ជីវិតកម្សាន្ដ

ក្រោយប្រឈមវិបត្តិផ្លូវចិត្ត Justin បង្ហាញខ្លួនដើរ ដោះអាវបញ្ចេញស្នាមសាក់តាមផ្លូវ

បានផុស

៣ years មុន

នៅ

ថ្ងៃសុក្រ ២៦ ឧសភា ២០២៣

ដោយ

Justin Bieber បានបង្ហាញស្នាមសាក់ជាច្រើននៅលើដងខ្លួន ពេលដើរតាមផ្លូវជាមួយប្រពន្ធរបស់គាត់។ តារាចម្រៀងប្រុសរូបនេះទាក់ទាញចំណាប់អារម្មណ៍ជាមួយនឹងស្ទីលគ្មានអាវក្រៅនិងខោជើងវែង។

ក្នុងកម្រងរូបថតជាបន្តបន្ទាប់របស់ Justin បានបង្ហាញឲ្យឃើញលោកំពុងដើរជាមួយប្រពន្ធនិងមិត្តភ័ក្តិនៅតាមដងផ្លូវក្នុងទីក្រុង New York សហរដ្ឋអាមេរិក។ អ្វីដែលគួរឲ្យកត់សម្គាល់នោះ តារាចម្រៀងប្រុសរូបនេះបញ្ចេញស្នាមសាក់ដោយលេងខ្លួនទទេ។

ម្ចាស់បទចម្រៀង What Do You Mean ទាក់ទាញកាមេរ៉ាពេលស្លៀកខោរលុងដោះអាវចេញស្នាមសាក់ ខណៈនៅលើប្រព័ន្ធផ្សព្វផ្សាយសង្គម លោកត្រូវគេសរសើរថាសង្ហាជាងមុនបន្ទាប់ពីកាត់សក់រួច។ នេះជាពេលវេលាដ៏កម្រដែលគូស្នេហ៍ Justin និងតារាម៉ូដែល Hailey បង្ហាញមុខជាសាធារណៈ បន្ទាប់ពីព្យាបាលដោយប្រឈមនឹងវិបត្តិផ្លូវចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក បើតាមទស្សនាវដ្ដីអាមេរិក តារាចម្រៀងប្រុសរូបនេះខូចចិត្តពេលប្រពន្ធជួបវិបត្តិអូសបន្លាយ ព្រោះតែត្រូវអ្នកគាំទ្រវាយប្រហារ។ គាត់មិនដឹងថាត្រូវធ្វើអ្វីនៅពេលដែល Hailey ត្រូវគេជេរប្រមាថចំពោះការជាប់ពាក់ព័ន្ធក្នុងរឿងភាគជាមួយ Selena Gomez នោះទេ។

ប្រភពបាននិយាយថា ឥឡូវនេះ Justin Bieber ស្រឡាញ់ប្រពន្ធរបស់គាត់ច្រើនជាងអ្វីទាំងអស់។ វាធ្វើឲ្យគាត់ឈឺចាប់នៅពេលដែលឃើញភរិយាតស៊ូដើម្បីជម្នះការមាក់ងាយក្នុងរយៈពេលជាច្រើនខែកន្លងមក៕