Billie Eilish បង្ហាញស្នាមសាក់រូបនាគ នៅត្រង់គល់ភ្លៅ

តារាចម្រៀងអន្តរជាតិដ៏មានប្រជាប្រិយភាពក្នុងស្រទាប់យុវវ័យ Billie Eilish បានបង្ហោះវីដេអូបង្ហាញស្នាមសាក់រូបនាគនៅលើបណ្ដាញសង្គម បន្ទាប់អ្នកគាំទ្រទទូចចង់ឃើញស្នាមសាក់នោះ ក្រោយខានឃើញវាអស់ពេលជាយូរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃព្រហស្បតិ៍ ទី២៥ ខែឧសភា តារាចម្រៀងវ័យ ២១ឆ្នាំរូបនេះ បានបង្ហោះវីដេអូមួយនៅលើគណនី Instagram ដោយបញ្ចេញស្នាមសាក់រូបក្បាលនាគនៅត្រង់គល់ភ្លៅ និងត្រង់ពោះផ្នែកខាងស្ដាំទៅដល់អ្នកគាំទ្ររបស់នាង ដើម្បីឱ្យពួកគេអស់ចិត្ត បន្ទាប់ពីទទូចចង់ឃើញម្ដងហើយម្ដងទៀត។

តាមពិតស្នាមសាក់នេះ Billie Eilish បានសាក់តាំងឆ្នាំ២០២០មកម្ល៉េះ និងបង្ហាញជាសាធារណៈកាលពីឆ្នាំ២០២១ ពេលថតរូបឱ្យទស្សនាវដ្តី Vogue ហើយវាតំណាងឱ្យមិត្តប្រុសដែលនាងស្រឡាញ់បំផុត។ ទោះយ៉ាងណា គេមិនដឹងថា មិត្តប្រុសម្នាក់នោះជានរណាឡើយ។

ក្រៅពីស្នាមរូបនាគ ម្ចាស់ពានរង្វាន់ Grammy វ័យក្មេងរូបនេះ ក៏មានស្នាមសាក់ត្រង់កន្លែងផ្សេងទៀតផងដែរដូចជា នៅលើដៃ កដៃ និងនៅលើទ្រូងរបស់នាង៕

ប្រែសម្រួល៖ សន្យា

ចុចអាន៖ ទើបបង្ហាញទំនាក់ទំនងមិនទាន់ ១ឆ្នាំ Billie Eilish ប្រកាសចែកផ្លូវជាមួយមិត្តប្រុស

ចុចអាន៖ រ៉ូបព្រះនាង Leia ក្នុងរឿង Star Wars ដាក់ដេញថ្លៃរហូតដល់ ២លានដុល្លារ