ទើបបង្ហាញទំនាក់ទំនងមិនទាន់ ១ឆ្នាំ Billie Eilish ប្រកាសចែកផ្លូវជាមួយមិត្តប្រុស

យោងតាមការបញ្ជាក់ពីអ្នកគ្រប់គ្រងផ្ទាល់ខ្លួន តារា​ចម្រៀង​ប៉ុប Billie Eilish ​បានចែកផ្លូវគ្នាជាមួយមិត្តប្រុស Jesse Rutherford ហើយ ក្រោយពួកគេទាក់ទងគ្នាបានជិត ២ឆ្នាំ។

អ្នកគ្រប់គ្រងបានប្រាប់ People ថា Billie និង Jesse បានចែកផ្លូវគ្នាជាផ្លូវការ ដោយបន្តជាមិត្តល្អនឹងគ្នា ហើយពាក្យចចាមអារ៉ាមដែលថាពួកគេកំពុងរស់នៅក្រោមដំបូលតែមួយ សុទ្ធសឹងជារឿងមិនពិត។

ជុំវិញការបែកបាក់នេះពុំសូវមានគេដឹងច្បាស់នោះទេ ប៉ុន្តែបើតាមការសង្កេតពីអ្នកគាំទ្រ Billie ទំនងបែកគ្នាដោយសារ​គម្លាត​អាយុខុសគ្នា​ ១១​ឆ្នាំ​រវាងពួក​គេ ហើយក៏អាចមកពីបុគ្គលិកលក្ខណៈមិនចុះសម្រុងគ្នា។

គេបានដឹងថា មុននិងក្រោយពេលបែកគ្នា តារាស្រីវ័យ ២១ឆ្នាំរូបនេះ ពុំបានលើកបញ្ហាអវិជ្ជមានរបស់អតីតគូស្នេហ៍ មកហែកហួរឡើយ ដោយកន្លងមកនាងធ្លាប់សរសេរបង្ហោះពីអារម្មណ៍កក់ក្ដៅជាមួយ Jesse ដែលនាងពិតជាមានសុភមង្គលពេលនៅជាមួយគាត់។ ទោះយ៉ាងណា ពេលនេះអ្នកគាំទ្ររបស់តារាទាំងពីររូប កំពុងចង់ដឹងរឿងពិតផងដែរ ខណៈសាមីខ្លួនសុទ្ធតែរក្សាភាពស្ងៀមស្ងាត់ទាំងសងខាង៕

ប្រែសម្រួល៖ សន្យា

ចុចអាន៖ ហេតុអ្វី Billie Eilish ក្លាយជាតារាស្រីមានប្រជាប្រិយភាពក្មេងបំផុត?

ចុចអាន៖ Billie Eilish ផ្លាស់ចេញពីគ្រួសារ ទៅរស់នៅផ្ទះតម្លៃជាង ២លានដុល្លារ

ចុចអាន៖ ព្យាយាមលាក់បាំងជិតមួយឆ្នាំ ពេលនេះ Billie Eilish ព្រមបង្ហាញមុខមិត្តប្រុសជាសាធារណៈ