រោគសញ្ញាទាំង ៦ បង្ហាញថា រាងកាយរបស់អ្នកកង្វះវីតាមីន B1

វីតាមីន B1 ត្រូវបានគេស្គាល់ផងដែរថាជាជាតិ thiamine ដែលជា coenzyme ដ៏សំខាន់ក្នុងការរំលាយអាហារសារធាតុចិញ្ចឹមដូចជា ជាតិស្ករ ខ្លាញ់ អាស៊ីតអាមីណូនៅក្នុងខ្លួនមនុស្ស នៅពេលដែល កង្វះវីតាមីន B1 សមត្ថភាពបំប្លែងសារធាតុចិញ្ចឹមត្រូវបានកាត់បន្ថយ ហើយការផ្គត់ផ្គង់ថាមពលមិន គ្រប់គ្រាន់ វានឹងរំខានដល់ប្រព័ន្ធរំលាយអាហារ ប្រព័ន្ធប្រសាទជាដើម ។

ខាងក្រោមគឺជារោគសញ្ញទាំង ៦ បង្ហាញថារាងកាយរបស់អ្នកកង្វះវីតាមីន B1៖

១. អស់កម្លាំងនិងឃ្លាន

នៅពេលដែលកង្វះវីតាមីន B1 ប្រសិទ្ធភាពនៃប្រព័ន្ធរំលាយអាហារសារធាតុចិញ្ចឹមនឹងថយចុះ ការផ្គត់ផ្គង់ថាមពលមិនគ្រប់គ្រាន់ រោគសញ្ញានៃភាពអស់កម្លាំង ហើយចលនាសាច់ដុំនៃក្រពះពោះវៀន ក៏ត្រូវបានកាត់បន្ថយ ការឃ្លានអាហារនឹងកើតឡើង ។

២. ងាយនឹងឆ្លងមេរោគចូលទៅក្នុងរាងកាយ

រាងកាយរបស់មនុស្សមានប្រព័ន្ធការពារដ៏រឹងមាំ ដែលអាចប្រឆាំងនឹងមេរោគ និងកម្ចាត់សារធាតុ គ្រោះថ្នាក់នៅក្នុងខ្លួន។ នៅពេលដែលបរិមាណនៃវីតាមីន B1 មិនគ្រប់គ្រាន់ វានឹងប៉ះពាល់ដល់ការរំលាយអាហារដែលបំប្លែងជាតិស្ករទៅជាថាមពល សកម្មភាពរបស់កោសិកាឈាមស macrophages និង lymphocytes នៅក្នុងប្រព័ន្ធភាពស៊ាំនឹងថយចុះ បង្កើនឱកាសនៃឆ្លងមេរោគទៅក្នុងរាងកា យ។

៣. ថយចុះការចងចាំ

គ្លុយកូសគឺជាប្រភពថាមពលសំខាន់សម្រាប់កោសិកាខួរក្បាល ការខ្វះវីតាមីន B1 នឹងកាត់បន្ថយសមត្ថភាពរបស់កោសិកាខួរក្បាលក្នុងការបំប្លែងគ្លុយកូស ៣០ ភាគរយ ហើយវានាំឱ្យខូចប្រព័ន្ធប្រសាទចុះខ្សោយការចងចាំងាយធ្លាក់ចូលទៅក្នុងស្ថានភាពឆាប់ខឹង ថប់បារម្ភ ។

៤. ស្ពឹកដៃនិងជើង

នៅពេលដែលកង្វះវីតាមីន B1 អាចបណ្តាលឱ្យមានជំងឺសរសៃប្រសាទផ្សេងៗ នោះនឹងមានការស្ពឹករមួលក្រពើ និងអារម្មណ៍មិនធម្មតាផ្សេងទៀតនៅក្នុងអវយវៈ។

៥. ចង្វាក់បេះដូងលោតខុសចង្វាក់

នៅពេលដែលកង្វះវីតាមីន B1 សមត្ថភាពទប់ស្កាត់ cholinesterase មិនគ្រប់គ្រាន់នឹងពន្លឿនសារធាតុ hydrolysis នៃ acetylcholine នៅក្នុងខ្លួន។ Acetylcholine គឺជាសារធាតុបញ្ជូនសរសៃប្រសាទដ៏សំខាន់ នៅពេលដែលកម្រិតរបស់វាថយចុះ វាបណ្តាលឱ្យមានភាពមិនប្រក្រតីនៃប្រព័ន្ធសរសៃ ប្រសាទដល់បេះដូង និងចង្វាក់បេះដូង ។

៦. ការចុះខ្សោយនៃការមើលឃើញ

កង្វះវីតាមីន B1 កោសិកា ganglion ដែលមើលឃើញនឹងត្រូវខូចខាត ភ្នែកងាយនឹងនឿយហត់ ពេលសម្លឹងមើលវត្ថុនឹងលេចចេញជារូបរាងដូចជារូបភាពទ្វេរភាពមិនច្បាស់ ៕

ប្រែសម្រួល៖នាងតូច

ប្រភព៖laodong

ចុចអាន៖អត្ថប្រយោជន៍នៃផ្លែគីវី សម្រាប់ស្ត្រីមានផ្ទៃពោះ