Kylie Jenner ត្រេកអរ ពេលកូនស្រីបញ្ចប់ការសិក្សា ថ្នាក់ក្រោមមត្តេយ្យ

កាលពីថ្ងៃពុធ ទី០៧ ខែមិថុនា ឆ្នាំ២០២៣ នេះ Stormi Webster បានបញ្ចប់ថ្នាក់ក្រោមមត្តេយ្យនៅអាយុ ៥ ឆ្នាំ ។ Kylie ជាម្ដាយបានបង្ហោះរូបជាមួយកូនស្រីក្នុង IG ដោយដាក់ច្រមុះជិតគ្នា និងកាន់ផ្កាកុលាបមួយបាច់ដ៏ស្រស់បំព្រង ។

មហាសេដ្ឋីវ័យ ២៥ ឆ្នាំខាងលើ សរសេរភ្ជាប់ជាមួយរូបថា “កូនស្រីដ៏ផ្អែមល្ហែមរបស់ខ្ញុំ បញ្ចប់ការសិក្សាថ្នាក់ក្រោមមត្តេយ្យថ្ងៃនេះ” ។ មិនយូរប៉ុន្មាន Hailey Bieber ដែលទើបតែមានបញ្ហាជាមួយ Selena Gomez រឿងចិញ្ចើម ក៏បញ្ចេញមតិលើរូប Kylie ដែរថា “ក្មេងស្រីធំហើយ” ។

ដោយឡែកដើមឆ្នាំនេះ Kylie បានបង្ហាញខ្លួននៅលើគម្របទស្សនាវដ្ដី HommeGirls និងជជែកអំពីផែនការគ្រួសារនាពេលអនាគតរបស់នាងនៅក្នុងបទសម្ភាសន៍ទៀតផង ។

គួរបញ្ជាក់ថា Kylie មានកូន ២ នាក់គឺ Stormi និង Aire ជាមួយលោក Travis Scott បច្ចុប្បន្ន Aire ដែលជាកូនប្រុសពៅទើបតែមានអាយុ ១៦ ខែប៉ុណ្ណោះ ។ យ៉ាងណា Kylie មិនទាន់កំណត់ចំនួនកូននៅឡើយទេ “ទោះបីស្ត្រីខ្លះមានផែនការច្បាស់លាស់ក្ដី អ្វីដែលនឹងកើតឡើង វានឹងកើតឡើងហើយ” នាងបន្ថែម ៕

ប្រែសម្រួល ៖ វារី
ចុចអាន ៖ ទើបតែអាយុ ៥ ឆ្នាំកូនស្រី Kylie Jenner ពាក់នាឡិកាតម្លៃខ្ទង់ម៉ឺនដុល្លារ