កីឡា

កីឡាករ៥រូបទទួលបានតម្លៃខ្លួនខ្ពស់ជាងគេនៅលីគអាមេរិក

បានផុស

៣ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

ប្រធានក្រុមបាល់ទាត់ជម្រើសជាតិអាហ្សង់ទីន Lionel Messi ជាកីឡាករលំដាប់ទី១ដែលទទួលបានតម្លៃខ្ពស់ជាងគេបំផុតនៅក្របខណ្ឌលីគកំពូលអាមេរិក Major League Soccer (MLS) បន្ទាប់ពីរូបគេបានសម្រេចចូលរួមជាមួយក្លិប Inter Miami។

បន្ទាប់មកកីឡាករ Lorenzo Insigne របស់ក្លិប Toronto FC, ខ្សែបម្រើ Xherdan Shaqiri របស់ក្លិប Chicago Fire , កីឡាករ Javier Hernández របស់ក្លិប LA Galaxy និងកីឡាករ Federico Bernardeschi របស់ក្លិប Toronto FC ក៏ទទួលបានប្រាក់ចំណូលខ្ពស់ដែរ។

ខាងក្រោមជាកីឡាករ៥រូបដែលទទួលបានប្រាក់ចំណូលខ្ពស់បំផុតនៅលីគកំពូលអាមេរិក។

១. ខ្សែប្រយុទ្ធ Lionel Messi

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបី Messi មិនទាន់បង្ហាញខ្លួនជាផ្លូវការជាមួយក្លិប Inter Miami ប៉ុន្តែតាមប្រភពព័ត៌មានបានបង្ហាញថា ក្នុងមួយសប្ដាហ៍រូបគេអាចរកបា្រក់ចំណូលបានប្រមាណ ៩០០,០០០ផោន។ ជាមធ្យមក្នុងមួយឆ្នាំ រូបគេអាចរកប្រាក់ចំណូលបានប្រមាណ ៤៣លានផោន។

២. ខ្សែប្រយុទ្ធស្លាប Lorenzo Insigne

អតីតតារាឆ្នើមរបស់ក្លិប Napoli និងជម្រើសជាតិអ៉ីតាលី រូបនេះរកបានប្រមាណ ២៣៤,០០០ ផោនក្នុងមួយសប្តាហ៍។ ជាមធ្យមក្នុងមួយឆ្នាំរូបគេអាចរកប្រាក់ចំណូលបានប្រមាណជាង ១២លានផោន ។ Insigne ក៏ជាកីឡាករមានប្រាក់ចំណូលច្រើនជាងនៅក្លិប Toronto Fc ផងដែរ។

៣. ខ្សែប្រយុទ្ធស្លាប Xherdan Shaqiri

ខ្សែបប្រយុទ្ធស្លាបសញ្ជាតិស្វីស រូបនេះក្នុងមួយសប្ដាហ៍ទទួលបានបា្រក់ចំណូលបាន ១៣៦,០០០ផោន។ អតីតតារាឆ្នើមរបស់ក្របខ័ណ្ឌ Premier League រូបនេះជាមធ្យមក្នុងមួយឆ្នាំ អាចរកប្រាក់ចំណូលបានប្រមាណជាង ៧លានផោននៅក្លិប Chicago Fire ។

៤. ខ្សែប្រយុទ្ធ Javier Hernández

កីឡាករសញ្ជាតិម៉ិចស៊ិក រូបនេះជាអតីតតារារបស់ក្លិប Manchester United កាលជំនាន់គ្រូបង្វិក Sir Alex Ferguson។ នៅក្លិបអាមេរិក LA Galaxy រូបគេរកបាន១០៥,០០០ផោន ក្នុងមួយសប្តាហ៍។ ជាមធ្យមក្នុងមួយឆ្នាំរូបគេអាចរកប្រាក់ចំណូលបានប្រមាណជាង ៥លានផោន។

៥. ខ្សែបម្រើប្រយុទ្ធ Federico Bernardeschi

អតីតកីឡាកររបស់ក្លិប Juventus ដែលបានផ្ទេរមកក្លិប Toronto FC កាលពីឆ្នាំ ២០២២ រកបានចំណូលប្រមាណ ១០៥,០០០ផោន ក្នុងមួយសប្តាហ៍។ ជាមធ្យមក្នុងមួយឆ្នាំរូបគេអាចរកប្រាក់ចំណូលបានប្រមាណជាង ៥លានផោន។

សូមបញ្ជាក់ថា លីគអាមេរិក MLS ត្រូវបានបែងចែកជាពីរគឺ American MLS League-Eastern Conference មាន១៥ក្រុម និង American MLS League-Western Conference មាន១៤ក្រុម។ ក្នុងចំណោមក្លិបទាំង២៩នេះមាន២៦នៅសហរដ្ឋអាមេរិក និង៣ក្លិបទៀតនៅប្រទេសកាណាដា៕

ប្រែសម្រួល៖ ផា រតនា

Related Topics:Lionel Messi កីឡាបាល់ទាត់អន្តរជាតិ

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា