ជីវិតកម្សាន្ដ

តារាសិចស៊ី Kratae និយាយថា ឈុតស្រើបស្រាលរាំលើទឹក ប៊ិះតែនឹងបាត់បង់ជីវិត

បានផុស

៣ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

Kratae Rsiam ជាតារាស្រីដែលមានទេពកោសល្យខ្លាំងវិស័យចម្រៀងថៃសព្វថ្ងៃ បន្ទាប់ពីទើបចេញបទចម្រៀងថ្មីមួយដែលមានចំណងជើងថា “Burning For You” ជាកាដូដល់រអ្នកគាំទ្រ រហូតដល់ចំនួនអ្នកចូលមើលកើនដល់ជាង២លានក្នុងរយៈពេលដ៏ខ្លី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ មុនពេលឈានដល់ចំណុចនេះ វាធ្វើឲ្យនាងស្ទើរតែមានគ្រោះថ្នាក់ដល់ជីវិតទៅហើយ ដោយ Kratae បាននាំយកនូវរូបភាពឈុតឆាករាំក្នុងវីដេអូចម្រៀង ទាំងព្រៃផ្សៃ ទាំងសិចស៊ី មកចែកជូនប្រិយមិត្តដែលតាមដាន Instagram ទស្សនាទាំងអស់គ្នា។

តាមរយៈឈុតដែលនាងបង្ហោះប្រាប់ធ្វើឲ្យមនុស្សជាច្រើនភ្ញាក់ផ្អើល គឺពេលដែលនាងត្រូវរាំជាមួយអ្នករាំក្នុងបទចម្រៀង។ ប៉ុន្តែនាងបានបាត់បង់ការគ្រប់គ្រងភ្លាមៗ រហូតធ្វើឲ្យរអិលដួលត្រូវបុកខ្នងពេញទំហឹង។ ឈុតនេះស្ទើរតែស្លាប់ គ្រោះថ្នាក់ខ្លាំង មុនពេលទទួលបានឈុតនេះ តាមពិតគឺនាងចង់លុបចោល។ ប៉ុន្តែនាងបង្ហោះវាដើម្បីរំលឹកខ្លួនឯង កុំធ្វើអ្វីដែលប្រថុយប្រថានបែបនេះទៀត។ ប្រសិនបើក្បាលប៉ះដីនៅថ្ងៃនោះ អាចមិនមែនមកអង្គុយហើយវាយអក្សរថ្ងៃនេះជូនទស្សនិកជនទេ។

ក្នុងនោះនាងក៏បញ្ចាក់ទៀតថា “ដោយសារតែចង់ឲ្យរូបភាពចេញមកស្អាត ខ្ញុំចង់សាកល្បង គិតថាគួរតែអាចធ្វើបាន ប៉ុន្តែ ឧបសគ្គច្រើនណាស់! ពេលកំពុងរាំក្នុងទឹក វារអិលជិត១០ដង។ ប៉ុន្តែមានធ្ងន់ជាងហ្នឹងទៅទៀត! ការពិត ខ្ញុំស្ទើររាំមិនរួច ពោលគឺត្រាំក្នុងឈុតនេះរហូតអស់កម្លាំង។ ព្រោះខ្ញុំរាំច្រើនជុំ បូកម៉ាស៊ីនត្រជាក់នៅក្នុងស្ទូឌីយោគឺត្រជាក់ខ្លាំង ត្រូវរាំសើមជិត៣ម៉ោង ញ័រពេញខ្លួនទាំងអស់”។

យ៉ាងណាមិញ បន្ទាប់ពីរាំរួចពេលនោះនាងក៏អង្គុយគិតថា តើខ្លួននាងបានធ្វើអ្វី? ធ្វើអីបែបនេះមិនសមសោះ! គួរតែយកតាមដែលអាចធ្វើបាន ស្របពេលដែលម្តាយនិងប្អូនៗមានការព្រួយបារម្ភជាខ្លាំង ប៉ុន្តែពេលនោះនាងបាននិយាយទៅកាន់ខ្លួនឯងថានឹងព្យាយាមម្តងទៀតទៅលើកចុងក្រោយនេះ ហើយទទួលបានរូបភាពដូចឃើញក្នុង MV៕