អ្នកគាំទ្រលាន់មាត់ម្ដងទៀតថាតួ “ឡៃឡាធីតាយក្ខ” អាយុ ១១ ឆ្នាំ ស្អាតពេកដូចមនុស្សវ័យក្រមុំ

នាងតូចដែលជាតួកុមារីក្នុងរឿង “ឡៃឡាធីតាយក្ខ” ធ្លាប់ល្បីល្បាញមកប៉ុន្មាន​ឆ្នាំមុន ពេលនេះ​នាងហាក់បង្ហាញ​ខ្លួនញឹកញាប់លើបណ្ដាញសង្គម ​ខណៈអ្នកគាំទ្រ​ជា​ច្រើន​លាន់មាត់​សរសើរ​សម្រស់នាង​ថា ត្រឹម​អាយុ១១ឆ្នាំ ប៉ុន្តែ​ស្អាត​ដូច​មនុស្ស​ពេញ​វ័យក្រមុំ។

តារា​សម្ដែង​តូច​ច្រឡឹង Nong Inter Rungrada បានបង្ហោះរូបភាពនៅលើ Instagram ផ្ទាល់ខ្លួន​របស់​នាង ​ដែល​មាន​អ្នក​តាមដាន​ដល់ទៅ១លាន​នាក់ ក្នុង​ឈុត​​ពណ៌ស ផាត់មុខស្រាលៗ ធ្វើសក់ Cute ទៅចូលរួមក្នុងកម្មវិធី “one Sanan screen”។

ប្រាកដណាស់​ ដោយសារតែ​ភាពល្បីល្បាញដែលនាងតូចរូបនេះធ្លាប់សាងតាំង​ពី​កុមារភាព ដូច្នេះ​ក្រោយនាង​បង្ហាញ​ខ្លួន​ជាបន្តបន្ទាប់លើបណ្ដាញអ៉ិនធើណេត ​អ្នកគាំទ្រ​គ្រប់គ្នា​សុទ្ធតែបញ្ចេញមតិថាសឹង​តែ​ចំណាំ​នាង​លែង​ស្គាល់ថាជាតួកុមារ​ដ៏​ក្រមិចក្រមើម​លើ​កញ្ចក់​ទូរទស្សន៍កាលពីកន្លងមក។

លើសពីនេះដែរ​ មហាជន​មួយចំនួន​ធំ​បាននិយាយដូចៗគ្នាថា ​​Nong Inter Rungrada កាន់តែចាស់កាន់តែស្អាត។ អាយុ ១១ ឆ្នាំសោះ ក្លាយជា​តារា​សម្ដែង​ដែល​មាន​ស្នាដៃ​ជា​ច្រើន​ទៅហើយ។

យ៉ាងណាមិញ កាលពីប៉ុន្មានថ្ងៃមុននេះនាងក៏ត្រូវ​អ្នក​គាំទ្រ​ជា​ច្រើន​ដែលស្រលាញ់​ចូល​ចិត្ត​បានចូលមកបញ្ចេញមតិសរសើរ​សម្រស់​របស់នាងម្ដងរួចទៅហើយនៅពេលដើរលើកម្រាលព្រំក្រហមរំលេចភាពស្រស់ស្អាត ពេលតុបតែងខ្លួន ជាពិសេសសម្រស់​របស់ Nong​ កាន់តែលេចធ្លោខ្លាំងដូចមនុស្សស្រីពេញវ័យក្រមុំ៕

ប្រែសម្រួល៖ សាង ស្រីល័ក្ខ

ចុចអាន៖នាងតូចក្នុងរឿង “ឡៃឡាធីតាយក្ខ” បង្ហាញខ្លួនលើកម្រាលព្រំក្រហម អ្នកគាំទ្រចំណាំសឹងមិនស្គាល់

ចុចអាន៖គ្រាន់តែរូបភាព Prang ឈរញ៉ាំការ៉េមបញ្ចេញស្នាមសាកលើដើមទ្រូង មានអ្នកចុច Like ជាង ៣ ម៉ឺននាក់