Tesla កើនភាគហ៊ុន បន្ទាប់ពីលក់ដាច់រថយន្តខុសពីការរំពឹងទុក

ភាគហ៊ុនរបស់ក្រុមហ៊ុន Tesla បានកើនឡើង ៥ ភាគរយកាលពីថ្ងៃចន្ទ បន្ទាប់ពីរបាយការណ៍លក់ប្រចាំត្រីមាស​របស់ក្រុមហ៊ុន កើនខ្លាំងរហូតដល់ជិតពាក់កណ្តាលខុសពីការរំពឹងទុករបស់អ្នកវិភាគ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍​បានឲ្យដឹងថា កំណត់ត្រាលក់រថយន្តអគ្គិសនីរបស់ក្រុមហ៊ុន Tesla មានចំនួន ៤៦៦,០០០ គ្រឿង​ ពោលកើនជិតទ្វេដងពីចំនួន ២៥៥,០០០​ គ្រឿង ដែលបានចែកចាយលក់កាលពីត្រីមាសដំបូងនៃឆ្នាំនេះ ។

ទន្ទឹមនោះ កំណើននៃការលក់រថយន្តនេះ គឺ​ដោយសារតែ​​​ក្រុមហ៊ុនបាន​ប្រកាសលក់បញ្ចុះតម្លៃ​កាលពីដើមឆ្នាំ ខណៈកាលពីដើមខែ​មេសា មហាសេដ្ឋី Elon Musk ប្រាប់វិនិយោគិនថា ការកាត់បន្ថយតម្លៃ កំពុងនាំឲ្យតម្រូវការរថយន្តមានច្រើនជាងសមត្ថភាពផលិតទៅទៀត ។

ប៉ុន្តែការបញ្ចុះតម្លៃទាបនេះ ក៏បានបង្អាក់ប្រាក់ចំណូលរបស់ក្រុមហ៊ុនផងដែរ ហើយជាលទ្ធផលនៃការលក់នៅត្រីមាសទី ២ ក្នុងរយៈពេល ៥ លើកជាប់គ្នា គឺក្រុមហ៊ុនផលិតបានរថយន្តច្រើនជាងរថយន្តដែលបានចែកចាយ ពោលបានជិត ៤៨០,០០០ គ្រឿងឯណោះក្នុងត្រីមាសនេះ ។

ទោះយ៉ាងណា វិនិយោគិននៅតែមានសុទិដ្ឋិនិយមយ៉ាងខ្លាំងលើភាគហ៊ុន Tesla នៅឆ្នាំនេះ ហើយបើទោះជាបានបាត់បង់ភាគហ៊ុនអស់ ៦៥ ភាគរយ​នៅក្នុងឆ្នាំ ២០២២ ដែលជាប្រវត្តិសាស្ត្រដ៏អាក្រក់បំផុតរបស់ក្រុមហ៊ុនក៏ដោយ ប៉ុន្តែចូលដល់ឆ្នាំ ២០២៣ តម្លៃភាគហ៊ុនបានស្ទុះងើបឡើងវិញ​ច្រើនជាង ២ ​ដងនៅក្នុងត្រីមាសទី ១ រហូតដល់ ១១២ ភាគរយ ៕

ប្រែសម្រួល៖ នាង រតនៈ

ប្រភព ៖ CNN

ចុចអាន ៖ Telegram នឹងបន្ថែមមុខងារថ្មី អ្នកប្រើប្រាស់អាច Add Story ហើយពិសេស​ជាង Facebook ទៅទៀត