ព័ត៌មានជាតិ
រសៀលនេះ សុខាភិបាលខេត្តព្រះវិហារ បំភ្លឺរឿងពលរដ្ឋពុលដង្កូវដួង រហូតដល់ស្លាប់
ស្ថានភាពសុខភាពពលរដ្ឋខេត្តព្រះវិហារ ៣ នាក់ ដែលពុលដង្កូវដួង មានសុខភាពល្អប្រសើរឡើងវិញ បន្ទាប់ពីសម្រាកព្យាបាលនៅមន្ទីរពេទ្យ។
ករណីពុលដង្កូវដួង បានកើតឡើងនៅភូមិសែនគង់ ឃុំចម្រើន ស្រុកសង្គមថ្មី ខេត្តព្រះវិហារ ដោយបុរសម្នាក់បានកាប់យកសត្វដង្កូវដួងនៅក្នុងដើមត្នោត យកមកចម្អិនបំពងខ្លាញ់ ចែកគ្នាហូបជាមួយបាយបណ្តាលឲ្យពុលស្លាប់ម្នាក់ និង ៣នាក់ទៀតបញ្ជូនទៅមន្ទីរពេទ្យសង្គ្រោះទាន់ពេល។
លោក គង់ ឡូ ប្រធានមន្ទីរសុខាភិបាលខេត្តព្រះវិហារ បានប្រាប់កម្ពុជាថ្មី នៅរសៀលថ្ងៃអង្គារ៍ ទី២៦ នេះថា ស្ថានភាពសុខភាពរបស់ប្រជាពលរដ្ឋទាំង ៣ នាក់ ដែលពុលដង្កូវដួងពេលនេះ បានល្អប្រសើរឡើងវិញ ហើយកំពុងសម្រាកព្យាបាលនៅមន្ទីរពេទ្យ។
ចំពោះដើមចមនៃការស្លាប់ បុរសម្នាក់ និង៣នាក់រងគ្រោះ ប្រធានមន្ទីរសុខាភិបាលរូបនេះ បញ្ជាក់ថា ក្រោយពីបានទទួលព័ត៌មាន ជុំវិញករណីពុលនេះ ក្រុមការងារមន្ទីរសុខាភិបាលខេត្តបានចុះអង្កេត និងស្រាវជ្រាវ ដោយរកឃើញថា ករណីនេះ អាចជាករណីពុលដង្កូវដួងប្រាកដមែន ដោយសារក្រុមមន្ត្រីជំនាញរកឃើញថា ពួកគាត់ទាំង ៤ នាក់ មិនបានបរិភោគអ្វីក្រៅតែពីដង្កូវដួងជាមួយបាយ ហើយមានអាការៈឈឺដូចគ្នា។
លោក ប្រាប់ថា ដង្កូវដួងនៅនឹងដើមផ្តៅជាទូទៅប្រជាពលរដ្ឋហូបធម្មតា ជាយូរយាណាស់មកហើយមិនមានបញ្ហាអ្វីឡើយ ប៉ុន្តែករណីនេះ មិនមែនដង្កូវដួងដែលបានមកពីដើមផ្តៅទេ គឺបានមកពីដើមត្នោត ដែលយើងមិនធ្លាប់ដឹងពីមុនមកថាដង្កូវដួងនៅនឹងដើមត្នោតអាចហូបបាន។
ប្រធានមន្ទីរសុខាភិបាលខេត្តព្រះវិហាររូបនេះ ក៏អំពាវនាវ ណែនាំកុំឲ្យប្រជាពលរដ្ឋធ្វើយ៉ាងណាជៀសវាងការបរិភោគអ្វីដែលស្គាល់មិនច្បាស់ ហើយត្រូវចម្អិនឲ្យបានល្អ រក្សាទុកដាក់ឲ្យបានស្អាត ដើម្បីរក្សាការពារបញ្ហាសុខភាព ដែលនាំដល់ការបាត់បង់ជីវិតដូចករណីនេះ។
សូមរម្លឹកថា ករណីប្រជាពលរដ្ឋ ៤ នាក់ពុលដង្កូវដួង ហើយត្រូវបញ្ជូនទៅមន្ទីរពេទ្យ បានកើតឡើង នៅថ្ងៃទី២៣ ខែមករា ឆ្នាំ២០២១ បណ្តាលឲ្យបុរសម្នាក់ស្លាប់ម្នាក់ ស្ថិតនៅក្នុងភូមិសែនគង់ ឃុំចម្រើន ស្រុកសង្គមថ្មី ខេត្តព្រះវិហារ ។ ជនរងគ្រោះដែលស្លាប់ មានឈ្មោះ ម៉ៅ លាន អាយុ ២៨ ឆ្នាំ និង៣នាក់ផ្សេងទៀត មានឈ្មោះ ប៉ុយ វីន អាយុ២៨ឆ្នាំ និងក្មេងប្រុសឈ្មោះ ឌឹម សុភា អាយុ១៥ឆ្នាំ និង ឈ្មោះប្រាជ្ញ ពិសី អាយុ ៩ ឆ្នាំ៕
អត្ថបទ៖ ឡេង ដេត
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ