នយោបាយ
គណបក្សខ្មែរអភិវឌ្ឍន៍សេដ្ឋកិច្ច ដាក់ចេញគោលនយោបាយ ៥ចំណុច ក្នុងនោះការអភិវឌ្ឍធនធានមនុស្សសំខាន់ជាងគេ
គណបក្សខ្មែរអភិវឌ្ឍន៍សេដ្ឋកិច្ច បានដាក់ចេញនូវគោលនយោបាយសំខាន់ៗចំនួន ៥ចំណុច ដើម្បីចូលរួមប្រកួតប្រជែងក្នុងការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣នេះ។
លោក ហួន ច័ន្ទថុន ប្រធានគណបក្សខ្មែរអភិវឌ្ឍន៍សេដ្ឋកិច្ច មានប្រសាសន៍ប្រាប់កម្ពុជាថ្មីថា គោលនយោបាយទាំង ៥ចំណុចនោះ រួមមាន៖ ទី១. ការអភិវឌ្ឍធនធានមនុស្ស, ទី២. ការអភិវឌ្ឍកសិ-ឧស្សាហកម្ម, ទី៣. ការអភិវឌ្ឍទេសចរណ៍, ទី៤. ការអភិវឌ្ឍសេដ្ឋកិច្ចជាតិ និងទី៥. ការអភិវឌ្ឍប្រព័ន្ធដំណើរការយុត្តិធម៌។
លោកបញ្ជាក់ថា ក្នុងចំណោមគោលនយោបាយទាំង ៥នេះ គឺគោលនយោបាយអភិវឌ្ឍន៍ធនធានមនុស្សសំខាន់ជាងគេ។ លោក ហួន ច័ន្ទថុន ឲ្យដឹងបែបនេះថា «ពលរដ្ឋមួយចំនួន គាត់មានធនធាន មានទេពកោសល្យ មានឧបនិស្ស័យពីកំណើត ប៉ុន្តែគាត់អត់អាចបញ្ចេញអ្វីដែលគាត់មានជំនាញ ឲ្យមហាជនបានឃើញទេ ខ្ញុំចង់ជម្រាបបន្តិច អ្នកខ្លះគេអត់យល់ពីធនធានមនុស្ស ពាក្យថា ធនធានមនុស្ស គឺមនុស្សដែលមានទេពកោសល្យ គ្រាន់តែមើលអាចដឹង គិតអាចយល់ ធ្វើបាន តែឲ្យចេះអត់ចេះទេ ប៉ុន្តែអាចធ្វើបាន»។
សម្រាប់គោលនយោបាយទី ៥ ប្រធានគណបក្សខ្មែរអភិវឌ្ឍន៍សេដ្ឋកិច្ច បានបញ្ជាក់ថា កន្លងមក មានប្រជាពលរដ្ឋខ្មែរ នៅពេលមានបញ្ហារឿងអ្វីមួយ តែងតែទៅរកពឹងពាក់គេឲ្យជួយរត់ការឲ្យ ដោយមានការបង់ប្រាក់ ដើម្បីជាថ្នូរដោះដូរជាដើម។ ពលរដ្ឋខ្លះទៀត ក៏ត្រូវបានជនឆ្លៀតឱកាសបោកប្រាស់យកលុយរបស់គាត់ទៅបាត់ ដោយមិនបានដោះស្រាយជូនពួកគាត់ ទាំងនេះហើយជាបញ្ហាដែលគណបក្សលោកបានមើលឃើញជាក់ស្ដែង។
លោក ហួន ច័ន្ទថុន បានបញ្ជាក់ទៀតថា ដោយមើលឃើញនូវបញ្ហារបស់ប្រជាពលរដ្ឋបែបនេះហើយទើបគណបក្សខ្មែរអភិវឌ្ឍន៍សេដ្ឋកិច្ចរបស់លោក បានប្រជុំគ្នាដាក់ចេញឡើងនូវគោលនយោបាយទី ៥ គឺជួយដោះស្រាយបញ្ហាជូនពលរដ្ឋ ក្នុងដំណើរការប្រព័ន្ធយុត្តិធម៌។ លោក ហួន ច័ន្ទថុន បានអះអាងថា «នៅពេលដែលពលរដ្ឋជួបរឿងអយុត្តិធម៌ ហើយអាជ្ញាធរមិនអើពើនោះ ប្រាកដជាប្រជាពលរដ្ឋដាក់បន្ទុកទៅរដ្ឋាភិបាលជាមិនខានឡើយ»៕
អត្ថបទ៖ សួស សិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ