ព័ត៌មានជាតិ
បុរសម្នាក់បើករម៉កដើរលក់កូនឈើពីខេត្តមួយទៅខេត្តមួយ រាប់ខែទើបបានជួបមុខគ្រួសារម្តង
បុរសឈ្មោះ ណាល់ រស់នៅស្រុកពារាំង ខេត្តព្រៃវែង មានមុខរបរបើករម៉កម៉ូតូដឹកកូនឈើលក់តាមបណ្តាខេត្តនានា។ ក្នុងរម៉ករបស់គាត់មានកូនឈើច្រើនប្រភេទដូចជា ដូង ស្វាយ ខ្នុរ ល្មុតជាដើម។ ចំណែកតម្លៃវិញ អាស្រ័យទៅតាមប្រភេទកូនឈើ។ ដូចជាដើមដូង មានច្រើនប្រភេទតម្លៃចាប់ពី ១២ ០០០ រៀលទៅ ១៥ ០០០ រៀល ដើមខ្នុរតម្លៃ ១២ ០០០ រៀល។
ក្នុងវ័យជាង ៤០ ឆ្នាំ បុរសរូបនេះបានឲ្យដឹងថា លោកត្រូវធ្វើដំណើរពីខេត្តមួយទៅខេត្តមួយដើរលក់រហូត យប់កន្លែងណាសម្រាកកន្លែងហ្នឹង។
នៅពេលកម្ពុជាថ្មីបានជួបសម្ភាសន៍ ខណៈកំពុងដឹកកូនឈើមកលក់ដល់ខេត្តក្រចេះ បុរសរូបនេះប្រាប់ថានៅប៉ុន្មានថ្ងៃទៀតគាត់នឹងចេញទៅខេត្តស្ទឹងត្រែងបន្តទៀត។
បើតាមបុរសរូបនេះ ការដឹកកូនឈើដើរលក់ត្រាច់ចររាល់ថ្ងៃ ដាច់តាមរដូវជាពិសេសនៅរដូវវស្សា តែក៏មិនមានអ្នកទិញក្នុងចំនួនច្រើនដែរ។ ពលរដ្ឋទិញមួយៗយកទៅដាំនៅក្នុងភូមិសម្រាប់ជាឈើហូបផ្លែ និងទុកលំអផ្ទះ។
លោកណាល់ ប្រាប់ថា មុខរបរគាត់នេះត្រូវចំណាយពេលរាប់ខែទើបអាចជួបគ្រួសារម្តងៗ។ ពេលខ្លះបានឆាប់ទៅផ្ទះនៅពេលដាច់ខ្លាំង។
ចំពោះកូនឈើទាំងអស់ដែលលោកដឹកលក់ ត្រូវកក់ប្រាក់ខ្លះទៅម្ចាស់ស្តង់ និងពេលលក់អស់ទើបឲ្យបន្តទៀត។
ជាចុងក្រោយបុរសរូបនេះនិយាយទាំងទឹកមុខស្រពោនព្រោះលក់មិនសូវចំណេញ។ តែយ៉ាងណាលោកនៅតែអះអាងថានៅតែបន្តមុខរបរនេះទៅមុខដើម្បីបានចំណូលផ្គត់ផ្គង់គ្រួសារ៕
អត្ថបទ៖ លី រតនា
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២០ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន