Simon Cowell លក់ផ្ទះទៅនៅជនបទវិញ ដោយសារក្នុងទីក្រុងគ្រោះថ្នាក់ពេក

គណៈកម្មការដ៏ល្បីក្នុងកម្មវិធី America’s Got Talent លោក Simon Cowell បានលក់ផ្ទះតម្លៃ ១៩ លានដុល្លារនៅតំបន់ Holland Park ក្នុងទីក្រុងឡុងដុងដ៍ ហើយទៅរស់នៅជនបទវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នបុរសវ័យ ៦៣ ឆ្នាំរូបនេះកំពុងសាងជីវិតនៅកន្លែងថ្មីជាមួយក្រុមគ្រួសាររបស់គាត់ដែលមានសមាជិកចំនួន ៣ នាក់គឺអ្នកស្រី Lauren Silverman និងកូនប្រុស Eric អាយុ ៩ ឆ្នាំ ។

ពាក់ព័ន្ធនឹងបញ្ហានេះដែរលោក Simon ដែលបានប្រាប់ទៅកាន់មិត្តភ័ក្ដិថា គាត់មិនមានអារម្មណ៍សុវត្ថិភាពរស់នៅក្នុងទីក្រុងទៀតទេ ។ មុននឹងសម្រេចចិត្តរើផ្ទះ លោកបានស៊ូទ្រាំនឹងរឿងរ៉ាវជាច្រើនដែលបង្កដោយក្រុមជនពាល បូករួមទាំងការគាស់ផ្ទះយកគ្រឿងអលង្ការសរុបតម្លៃជាង ១ លានដុល្លារទៀតផង ។

លោក Simon ចំណាយប្រាក់ចំនួន ៦៥ ម៉ឺនដុល្លារ ទៅលើសុវត្ថិភាពផ្ទះរបស់គាត់ ប៉ុន្តែកាលពីខែមិថុនា បែរជាមានក្រុមឧក្រិដ្ឋជនបានប្រើឧបករណ៍ដែលអាចដោះសោទ្វាររបស់គាត់ត្រឹមរយៈពេលប៉ុន្មានវិនាទីប៉ុណ្ណោះ បណ្ដាលឲ្យលោកព្រួយបារម្ភយ៉ាងខ្លាំង ។

គួរបញ្ជាក់ថា ទោះបីជាតំបន់ Holland Park មិនសូវមានសុវត្ថិភាពក៏ដោយ ប៉ុន្តែមានបុគ្គលល្បីៗជាច្រើនរស់នៅទីនោះដូចជា David Beckham, Ed Sheeran និង Robbie Williams ជាដើម ហើយសុទ្ធតែផ្ទះថ្លៃៗរហូតដល់ ៦៥ លានដុល្លារឯណោះ ៕

ប្រែសម្រួល៖ វារី

ប្រភព៖ dailymail

ចុចអាន៖ រួមរស់ជាមួយគ្នាជាង ៩ឆ្នាំ Simon Cowell ទើបសុំមិត្តស្រីរៀបការ

ចុចអាន៖ មកស្គាល់ផ្ទះតារាហូលីវូដ ៧ ដួង ធ្លាប់រស់នៅកាលពីវ័យក្មេង