ព័ត៌មានជាតិ
ក្រុមប្រឹក្សាជាតិភាសាខ្មែរ បានអនុម័តបច្ចេកសព្ទ ១២ពាក្យ ប្រើក្នុងភាសាព័ត៌មានវិទ្យា
ក្រុមប្រឹក្សាជាតិភាសាខ្មែរ នៅរសៀលថ្ងៃពុធ ១រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០២ ខែសីហា ឆ្នាំ២០២៣ លោកបណ្ឌិត ហ៊ាន សុខុម បានបើកកិច្ចប្រជុំដើម្បីពិនិត្យពិភាក្សា និងអនុម័តបច្ចេកសព្ទ របស់គណៈកម្មការបច្ចេកទេសព័ត៌មានវិទ្យា ដោយអនុម័តមេពាក្យនិងសេចក្ដីពន្យល់បានចំនួន ១២ពាក្យ។
បច្ចេកសព្ទ របស់គណៈកម្មការបច្ចេកទេសព័ត៌មានវិទ្យា ដែលដាក់ជូនក្រុមប្រឹក្សាជាតិភាសាខ្មែរ និងទទួលបានការអនុម័តនោះ រួមមាន៖
១. ខឺណិល (kernel) ដែលមានន័យថា កម្មវិធីគោលនៃប្រព័ន្ធប្រតិបត្តិការកុំព្យូទ័រ គ្រប់គ្រងសំណើ ពី software ហើយផ្លាស់ប្តូរសំណើទាំងនេះ ឱ្យទៅជាបញ្ហាលើ CPU Memories និងឧបករណ៍ផ្សេងៗ។ វាក៏គ្រប់គ្រងការងាររបស់ CPU ទាំងឡាយមិនឱ្យទំនេររហូតដល់កិច្ចការចប់សព្វគ្រប់។
២. ការផ្ទុក (storage) ដែលមានន័យថា យន្តការសម្រាប់ឱ្យកុំព្យូទ័រអាចរក្សាទុកទិន្នន័យឌីជីថល ជាអចិន្ត្រៃយ៍ ឬបណ្តោះអាសន្ន ទៅក្នុងឧបករណ៍។
៣. ឧបករណ៍ផ្ទុក (storage device) ដែលមានន័យថា hardware នៃកុំព្យូទ័រសម្រាប់ផ្ទុកទិន្នន័យ ដូចជា ថាសរឹង មេម៉ូរី ស៊ីឌី ជាដើម។
៤. សរសេរ (write) ដែលមានន័យថា កត់ត្រាទិន្នន័យទៅលើឧបករណ៍ផ្ទុកឯកសារ មូលទិន្នន័យ ច្រក ដូចជាថាសរឹង ផ្លាសមេម៉ូរី ស៊ីឌី ជាដើម។
៥. អាន (read) ដែលមានន័យថា បើក ឬទាញយកទិន្នន័យពីឧបករណ៍ផ្ទុកឯកសារ មូលទិន្នន័យ ច្រក ដូចជាថាសរឹង ផ្លាសមេម៉ូរី ស៊ីឌី ឌីវីឌីជាដើម។
៦. សរសេរត្រួត (overwrite) មានន័យថា កត់ត្រាជាន់លើកន្លែងដែលប្រើប្រាស់រួចហើយក្នុងឧបករណ៍ផ្ទុកឯកសារ មូលទិន្នន័យ ដូចជា ថាសរឹង ផ្លាសមេម៉ូរី ស៊ីឌី ឌីវីឌីជាដើម។
៧. រ៉ៅធីង (routing) ដែលមានន័យថា ឯកតាតូចបំផុតសម្រាប់ការបោះពុម្ព។ គេប្រើខ្នាតនេះវាស់ទំហំពុម្ពអក្សេរសម្រាប់ការបង្ហាញនៅលើអេក្រង់ និងនៅលើកក្រដាស។
៨. ចំណុច (point) មានន័យថា ឯកតាតូចបំផុតសម្រាប់ការបោះពុម្ព។ គេប្រើខ្នាតនេះវាស់ទំហំពុម្ពអក្សរសម្រាប់ការបង្ហាញនៅលើអេក្រង់ និងលើក្រដាស។
៩. ច្រក/ផត (port) ន័យទី១ សំដៅលើ រន្ធ ឬតំណ នៅលើកុំព្យូទ័រ ដែល hardware ផ្សេងៗអាចភ្ជាប់ទៅ ដូចជា ផ្នោះពុម្ព ស្គែនន័រ ក្តារចុច ជាដើម។ និងន័យទី២ សំដៅលើ លេខតែមួយគត់ ដែល CPU ប្រើ ដើម្បីកំណត់អត្តសញ្ញាណឧបករណ៍ធាតុចេញ និងធាតុចូលមួយ។ ឯន័យទី៣ គឺមានន័យថា ជាចំណុចដែលទិន្នន័យអាចចូល ឬចេញលើកុំព្យូទ័រ។
១០. ច្រកទ្វារ (gateway) មានន័យថា hardware ឬ software ដែលភ្ជាប់បណ្តាញពីរចូលគ្នាដើម្បីឱ្យកុំព្យូរទ័រក្នុងបណ្តាញទាំងពីរ អាចបញ្ចូនទិន្នន័យទៅវិញទៅមក។ បណ្តាញទាំងពីរមានវិធីការផ្សេងគ្នា ឬមានអាសយដ្ឋាន IP នៃឈ្មោះដែនផ្សេងគ្នា។
១១. ប្រូហ្វាល (profile) ក្នុង window មានន័យថា ថតដែលផ្ទុកព័ត៌មានជាក់លាក់នៃអ្នកប្រើប្រាស់ម្នាក់ ដូចជាព័ត៌មានគណនី សិទ្ធិប្រើប្រាស់ជាដើម។ បើក្នុងអ៉ីនធឺណិត មានន័យថា គេហទំព័រនៃអត្ថនាមនៅលើបណ្តាញសង្គម ដែលបង្ហាញពីជីវប្រវត្តិខ្លីៗ និងរូបភាព។
១២. យូអេសប៊ី (USB) មានន័យថា អន្តរមុខមួយប្រភេទក្នុងកុំព្យូទ័រ ទូរសព្ទទំនើប និងឧបករណ៍អេឡិចត្រូនិកដទៃខ្លះទៀត ដែលអាចភ្ជាប់ទៅកាន់ឧបករណ៍ជាច្រើន ដូចជាផ្នោះពុម្ព ក្តារចុច Mouse ជាដើម៕
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
សេចក្ដីជូនដំណឹង២៣ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម២ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ