លោក បៃដិន និយាយយ៉ាងខ្លី ចំពោះហេតុការណ៍ធ្លាក់យន្តហោះ របស់មេទាហានស៊ីឈ្នួល រុស្ស៊ី

ប្រធានាធិបតីអាមេរិកលោក ចូ បៃដិន បានបញ្ជាក់ច្បាស់ៗ ចំពោះការជាប់ពាក់ព័ន្ធរបស់លោក វ្ល៉ាឌីមៀរ ពូទីន ក្នុងឧបទ្ទវហេតុធ្លាក់យន្តហោះ ខណៈមន្ត្រីអ៊ុយក្រែន អះអាងថា ឧបទ្ទវហេតុនេះ គឺជាការព្រមានដល់ឥស្សរជនរុស្ស៊ីផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតី​អាមេរិក ​បាន​និយាយ​បន្ទាប់​ពី​ការ​ធ្លាក់​យន្តហោះ​ឯកជន​របស់លោក Prigozhin ថា “ខ្ញុំ​មិន​ដឹង​ថា​មាន​អ្វី​កើត​ឡើង​ទេ ប៉ុន្តែ​ខ្ញុំ​មិន​ភ្ញាក់​ផ្អើល​ឡើយ។ មានរឿងជាច្រើនបានកើតឡើងនៅក្នុងប្រទេសរុស្ស៊ី ដែលរឿងទាំងនោះមានលោក ពូទីន នៅពីក្រោយ”។

យោងតាមអាជ្ញាធរអាកាសចរណ៍រុស្ស៊ី Rosaviatsia, លោក Prigozhin និងមេបញ្ជាការជាន់ខ្ពស់ក្រុមហ៊ុនទាហានស៊ីឈ្នួល Wagner ឈ្មោះ Dmitry Utkin គឺស្ថិតក្នុងចំណោមមនុស្សទាំង១០ ធ្វើដំណើរលើយន្តហោះ Embraer ដែលធ្លាក់កាលពីល្ងាចថ្ងៃពុធទី២៣ខែសីហា។

ទោះបីជាយ៉ាងណាក៏ដោយ មូលហេតុនៃការធ្លាក់យន្តហោះនេះ​ មិនទាន់ត្រូវបានគេដឹងច្បាស់នៅឡើយទេ ប៉ុន្តែជម្លោះយូរអង្វែងរបស់លោក Prigozhin ជាមួយយោធា ហើយការបះបោរប្រដាប់អាវុធដែលគាត់បានដឹកនាំកាលពីខែមិថុនា ត្រូវបានគេមើលឃើញថាជាហេតុផល ដែលរុស្ស៊ីអាចនឹងសងសឹក៕

ប្រែសម្រួល៖ Vann Vann

ប្រភព៖ Guardian

ចុចអាន៖ លម្អិតអំពីបុគ្គលសំខាន់៥នាក់ នៅក្នុងយន្តហោះរបស់មេទាហានស៊ីឈ្នួលរុស្ស៊ី ដែលធ្លាក់