ក្មេងប្រុសអេស្ប៉ាញអាយុ ១៤ ឆ្នាំម្នាក់យកកាំបិតចាក់សិស្ស និងគ្រូ ៥ នាក់ ក្នុងសាលារៀន

នៅថ្ងៃទី២៨ ខែកញ្ញា ក្នុងសាលារៀនមួយកន្លែងនៅប្រទេសអេស្ប៉ាញ មានក្មេងប្រុសអាយុ ១៤ ឆ្នាំម្នាក់ទាញកាំបិត ២ ដើមចាក់គ្រូបង្រៀន ៣ នាក់ និងសិស្ស ២ នាក់ ប៉ុន្តែគ្មានអ្នកស្លាប់ទេ ។

អ្នករងគ្រោះ ៤ នាក់មានរបួសស្រាលប៉ុណ្ណោះ ខណៈអ្នកទី ៥ ដែលជាគ្រូបង្រៀនត្រូវវះកាត់ ព្រោះរបួសត្របកភ្នែក ។

សិស្សជាច្រើននាក់រៀបរាប់ថា ក្មេងប្រុសនោះបានចាក់មិត្តរួមថ្នាក់ ២ នាក់ មុនវាយប្រហារគ្រូបង្រៀនដែលរបួសភ្នែក ។ បន្ទាប់មកគាត់រត់ទៅថ្នាក់ផ្សេងមួយទៀត ដើម្បីបន្តការវាយប្រហារ ។

អំឡុងពេលដែលកូនសិស្សដកកាំបិទចេញមកនោះ គាត់បានស្រែកថា “ខ្ញុំនឹងសម្លាប់អ្នក!” បណ្ដាលឲ្យសិស្ស ៦៨៧ នាក់ នាំគ្នារត់ទៅខាងក្រៅរបងទ្វារទាំងភ័យខ្លាច ។

ករណីខាងលើពិតជាបង្កការព្រួយបារម្ភចំពោះប្រទេសជាតិមែនទែន ព្រោះបើប្រៀបធៀបជាមួយបណ្តាប្រទេសអឺរ៉ុបផ្សេងទៀត អេស្ប៉ាញមានអត្រាឧក្រិដ្ឋកម្មទាបគួរឲ្យកត់សម្គាល់ ជាពិសេសឧក្រិដ្ឋកម្មហិង្សាតែម្ដង ៕

ប្រែសម្រួល៖ វារី

ប្រភព៖ tuoitrenews

ចុចអាន៖ បុរស​ម្នាក់​ស្លាប់​ដោយសារ​គោ​ជល់​ក្នុង​ពិធីបុណ្យ​អេ​ស្ប៉ា​ញ​