Connect with us

ព័ត៌មានអន្ដរជាតិ

UN សម្រេចឲ្យបញ្ជូនទ័ពទៅ ហៃទី ដើម្បីកម្ចាត់ក្រុមបងធំ

បានផុស

នៅ

ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃចន្ទទី២ខែតុលា បានបើកភ្លើងខៀវដល់បេសកកម្មដឹកនាំដោយប្រទេសកេនយ៉ា ក្នុងគោលបំណងកម្ចាត់ក្រុមបងធំ នាំស្ថិរភាពដល់ប្រទេសហៃទី។

(រូបថត៖ Getty Images)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអនុម័តនេះ កើតឡើងមួយឆ្នាំ បន្ទាប់ពីមេដឹកនាំនៅក្នុងប្រទេសការាបៀនដែលរងការបំផ្លិចបំផ្លាញដោយអំពើហិង្សាមួយនេះ អង្វរករសុំជំនួយជាលើកដំបូង។

ប្រជាជាតិក្រីក្របំផុតនៅអឌ្ឍគោលខាងលិច ត្រូវរងគ្រោះ ខណៈក្រុមបងធំប្រដាប់អាវុធ ចូលកាន់កាប់ផ្នែកខ្លះនៃប្រទេស ហើយបានបង្កអំពើហិង្សាដ៏ឃោរឃៅ ហើយសេដ្ឋកិច្ចនិងប្រព័ន្ធសុខភាពសាធារណៈ ក៏ធ្លាក់ចុះផងដែរ។

តាំងពីចុងឆ្នាំ២០២២មក នាយករដ្ឋមន្ត្រីហៃទី លោក Ariel Henry និងអគ្គលេខាធិការ UN លោក Antonio Guterres បានអំពាវនាវសុំការគាំទ្រពីអន្តរជាតិ ដើម្បីគាំទ្រកងកម្លាំងប៉ូលិសដែលកំពុងប្រយុទ្ធតស៊ូ ប៉ុន្តែសហគមន៍ពិភពលោកភាគច្រើន មិនអើពើធ្វើអន្តរាគមន៍ ក្នុងប្រទេសហៃទីឡើយ។

(រូបថត៖ Getty Images)

សេចក្តីសម្រេចកាលពីថ្ងៃចន្ទ បានអនុម័តដោយសំឡេងគាំទ្រចំនួន១៣ ខណៈប្រទេសចិន និងរុស្ស៊ី អនុបវាទ។ រឿងនេះ ត្រូវបានសាទរដោយរដ្ឋមន្ត្រីការបរទេសហៃទី លោក Jean Victor Geneus ថា ជាការនាំមកនូវក្តីសង្ឃឹមដ៏ភ្លឺស្វាងសម្រាប់ប្រជាជន ដែលបានទទួលរងនូវផលវិបាកដោយស្ថានភាពនយោបាយ សេដ្ឋកិច្ច សង្គមកិច្ច សន្តិសុខ និងមនុស្សធម៌ដ៏លំបាកអស់រយៈពេលជាយូរមកហើយ។

សេចក្តីសម្រេចនិយាយថា កងកម្លាំងនេះ មានគោលបំណងផ្តល់ការគាំទ្រផ្នែកប្រតិបត្តិការដល់ប៉ូលិសជាតិហៃទី រួមទាំងការកសាងសមត្ថភាពរបស់ខ្លួនតាមរយៈការធ្វើផែនការ និងប្រតិបត្តិប្រតិបត្តិការគាំទ្រសន្តិសុខរួមគ្នាផងដែរ។

(រូបថត៖ AFP)

បេសកកម្ម​នេះ​ ថែមទាំង​មាន​គោល​បំណង​បង្កើត​លក្ខខណ្ឌ ​ដើម្បី​រៀបចំ​ការ​បោះឆ្នោត​ដែល​មិន​បានធ្វើឡើងនៅ​ក្នុង​ប្រទេស​ហៃទី ​ចាប់​តាំង​ពី​ឆ្នាំ ២០១៦ មកម្ល៉េះ។

នៅក្នុងរបាយការណ៍នាពេលថ្មីៗ លោក Guterres និយាយថា ស្ថានភាពសន្តិសុខនៅក្នុងប្រទេសហៃទីកាន់តែអាក្រក់ទៅៗ ដោយសារតែសមាជិកក្រុមបងធំ មានទាំងគ្នាច្រើននិងមានអាវុធល្អជាងប៉ូលិសទៅទៀត។

យោងតាមរបាយការណ៍របស់ UN, ករណីឃាតកម្មជិត២៨០០ករណី ត្រូវបានកត់ត្រានៅក្នុងប្រទេសហៃទីចន្លោះខែតុលាឆ្នាំ២០២២ ដល់ខែមិថុនាឆ្នាំ២០២៣ ដោយក្នុងនោះមានអនីតិជនចំនួន៨០នាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ បន្ទាប់ពីប្រធានាធិបតី ពេលនេះនាយករដ្ឋមន្ត្រី ហៃទី ត្រូវគេប៉ុនប៉ង ធ្វើឃាត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

ដុតព្រៃរាលឆេះភ្នំស្វាយផ្ទុះគ្រាប់​សល់​ពី​សង្រ្គាម ២ គ្រាប់ បាញ់ពន្លត់ជាងប្រហែល ៤ ម៉ោងទើបរលត់

ព័ត៌មានជាតិ២៦ នាទី មុន

ប្រមុខរាជរដ្ឋាភិបាល លើកឡើងថា ការរើសអើង និងការមើលរំលងនូវសមត្ថភាពរបស់ជនមានពិការភាព គឺជាកំហុសឆ្គង

ព័ត៌មានជាតិ៣៤ នាទី មុន

គ្រោង​រៀបចំ​ព្រឹត្តិការណ៍​ធំ​ចំនួន​ពីរ​ ទាក់ទាញ​វិនិយោគិន​​បារាំង​មក​វិនិយោគ​នៅ​កម្ពុជា

ព័ត៌មានអន្ដរជាតិ៣៩ នាទី មុន

លោក Blinken ទៅដល់តំបន់មជ្ឈិមបូព៌ា ខណៈស្ថានការណ៍ តានតឹងបំផុត

សុខភាព៤០ នាទី មុន

សមាគមទន្តពេទ្យកម្ពុជា ចុះអប់រំសុខភាពមាត់ធ្មេញដល់សិស្សជិត ២ពាន់នាក់ ក្នុងខេត្តសៀមរាប

Sokha Hotels

ព័ត៌មានពេញនិយម