តួលេខអ្នកស្លាប់នៅហ្គាហ្សា កើនដល់ ២៦៧០នាក់ ខណៈរបួស ជិត ១ម៉ឺននាក់

ជនជាតិប៉ាឡេស្ទីនចំនួន ២,៦៧០ នាក់ ត្រូវបានសម្លាប់នៅហ្គាហ្សាចាប់តាំងពីថ្ងៃទី ៧ ខែតុលាមក។ នេះបើយោងតាមការបញ្ជាក់ពីក្រសួងសុខាភិបាល។

លើសពីនេះ ក្រសួង​និយាយ​ថា មនុស្ស​ជាង ៩,៦០០ នាក់ ​ក៏បាន​រង​របួសផងដែរ ​ក្នុង​ការ​វាយ​ប្រហារ​របស់​អ៊ីស្រាអែល​លើ​តំបន់​ហ្គាហ្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍នេះ ត្រូវបានបញ្ចេញ ខណៈយោធាអ៊ីស្រាអែលប្រកាសសម្លាប់បាន សមាជិកជាន់ខ្ពស់ ២ រូបរបស់ក្រុមសកម្មប្រយុទ្ធប៉ាឡេស្ទីនហាម៉ាស់ បន្ទាប់ពីអ្នកទាំងពីរ ចូលរួមយ៉ាងសកម្មក្នុងការវាយប្រហារដ៏គួរឲ្យភ្ញាក់ផ្អើលទៅលើប្រទេសអ៊ីស្រាអែលកាលពីព្រឹកព្រលឹមថ្ងៃទី៧ ខែតុលា។

យោធាអ៊ីស្រាអែលបានបញ្ជាក់ទៀតថា អ្នក​ទាំង​ពីរដែលត្រូវយោធាសម្លាប់ក្នុងការវាយប្រហារតាមផ្លូវអាកាស​គឺមាន​ឈ្មោះ Ali Qadi មេ​បញ្ជាការ​ក្រុម​ហាម៉ាស់ និង​លោក Murad Abu Murad សមាជិក​ជាន់​ខ្ពស់​នៃ​ក្រុម​ប្រដាប់​អាវុធ​ហាម៉ាស់។

ពាក់ព័ន្ធនឹងការសម្លាប់លោក Ali Qadi និងលោក Abu Murad, អ្នកនាំពាក្យយោធាអ៊ីស្រាអែលក៏បានបង្ហោះវីដេអូនៅលើបណ្តាញសង្គមបង្ហាញពីការបំផ្លិចបំផ្លាញអគារមួយចំនួននៅក្នុងការវាយប្រហារតាមអាកាសនោះផងដែរ៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ ប្រេងសាំងនៅមន្ទីរពេទ្យហ្គាហ្សា ជិតអស់ហើយ, ជីវិតអ្នកជំងឺរាប់ពាន់នាក់ នឹងប្រឈមហានិភ័យ