ក្រោយឈ្នះ Ballon d’or លើកទី៨ Messi គិតថា ឆ្នាំក្រោយ Haaland, Mbappe នឹងឈ្នះ

តារាឆ្នើម Lionel Messi បានឈ្នះពានរង្វាន់បាល់មាស (Ballon d’or) លើកទី៨ ក្នុងអាជីពក្រោយពីបានទទួលបានសម្លេងបោះឆ្នោតគាំទ្រច្រើនជាងកីឡាករ Erling Haaland និង Kylian Mbappe។ ការបោះឆ្នោតពានរង្វាន់នេះផ្អែកលើសមិទ្ធផល​របស់កីឡាករនៅចន្លោះថ្ងៃទី១ ខែសីហា ឆ្នាំ២០២២ ដល់ថ្ងៃទី៣១ ខែកក្កដា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Lionel Messi បាននិយាយថា ៖«អរគុណអ្នកទាំងអស់គ្នា ជាពិសេសមិត្តរួមក្រុមរបស់ខ្ញុំ។ អរគុណអ្នកគ្រប់គ្នាដែលបានបោះឆ្នោតអោយខ្ញុំ។ ពានរង្វាន់ Ballon d’Or គឺជាកាដូដ៏អស្ចារ្យសម្រាប់គាំទ្រអាហ្សង់ទីនទាំងអស់គ្នា។ ខ្ញុំក៏មិនភ្លេចដែរកីឡាករ Haaland និង Mbappé។ នេះគឺជាឆ្នាំដ៏អស្ចារ្យ​របស់​ពួកគេ ហើយនៅឆ្នាំខាងមុខ ពួកគេនឹងឈ្នះពានរង្វាន់នេះ»។

កីឡាករ Lionel Messi មានវ័យ៣៦ឆ្នាំហើយ សម្រាប់ការឈ្នះពានរង្វាន់ Ballon d’or លើកទី៨នេះអាចថាជាលើកចុងក្រោយរបស់រូបគេ។ ចំពោះកីឡាករ Haaland និង Mbappé សុទ្ធតែជាកីឡាករវ័យក្មេងដែលមានសមត្ថភាព ច្បាស់ណាស់នៅឆ្នាំខាងមុខពួគេទាំងនឹងមានឱកាសឈ្នះពានរង្វាន់នេះ។

Lionel Messi បានបន្ថែមថា៖«ខ្ញុំមានសំណាងណាស់។ ខ្ញុំបានលេងឱ្យក្រុមល្អបំផុតក្នុងពិភពលោក ល្អបំផុតក្នុងប្រវត្តិសាស្ត្រ។ ខ្ញុំអាចឈ្នះពានរង្វាន់បុគ្គលជាច្រើន អរគុណចំពោះរឿងនោះ។ ជាមួយអាហ្សង់ទីន ខ្ញុំក៏ធ្លាប់បរាជ័យច្រើន ប៉ុន្តែខ្ញុំមិន​បោះបង់ឡើយ។ ការឈ្នះពាន Copa America និង World Cup នោះហើយជាមូលហេតុ​​ដែល​ខ្ញុំមានមោទនភាពកើតចេញពីការមិនបោះបង់តស៊ូរហូតដល់ឈ្នះពានទាំង២នេះ»៕

អត្ថបទ៖ ផា រតនា