កីឡា

ឯកឧត្តម ឌី វិជ្ជា អរគុណលោក Satoshi ក្នុងការរួមចំណែកអភិវឌ្ឍលីគកម្ពុជា

បានផុស

៥ ខែ មុន

នៅ

ថ្ងៃពុធ ១ វិច្ឆិកា ២០២៣

ដោយ

ក្នុងនាមសមាជិកគណៈកម្មាធិការប្រតិបត្តិ នៃសហព័ន្ធកីឡាបាល់ទាត់កម្ពុជា ឯកឧត្តម ឌី វិជ្ជា បានអរគុណដល់ លោក Satoshi Saito អតីតនាយកប្រតិបតិ្តក្រុមហ៊ុន ខេមូឌានព្រីមៀរលីគ (CPL) ដែលបានរួមចំណែកអភិវឌ្ឍលីគបាល់ទាត់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ឌី វិជ្ជា បានសរសេរថា៖«ក្នុងនាមខ្ញុំជាសមាជិកគណៈកម្មាធិការប្រតិបត្តិ នៃសហព័ន្ធកីឡាបាល់ទាត់កម្ពុជា សូមអរគុណចំពោះលោក សាតូឈិ សៃតូ (Satoshi Saito) ដែលលោកបានរួមចំណែកអភិវឌ្ឍវិស័យកីឡាបាល់ទាត់នៅកម្ពុជា ឱ្យរីកចម្រើនថែមមួយកម្រិតទៀត ក្នុងរយៈពេល២ឆ្នាំមកនេះ។ សូមជូនពរលោក Satoshi Saito ជួបតែសំណាងល្អ និងទទួលបានជោគជ័យនៅភារកិច្ចបន្ទាប់»។

លោក Satoshi Saito ត្រូវបានក្រុមហ៊ុនលីគបាល់ទាត់កម្ពុជាតែងតាំងជានាយកប្រតិបត្តិកាលពីថ្ងៃទី១៤ ខែតុលា ឆ្នាំ២០២១ ដើម្បីដឹកនាំ កែលំអ និងអភិវឌ្ឍលីគបាល់ទាត់កំពូលកម្ពុជាឲ្យមានវិជ្ជាជីវៈ និងស្តង់ដា ស្របតាមកម្រិតអាស៊ី (AFC) និងអន្តរជាតិ (FIFA)។

លោកបានរួមចំណែកជួយធ្វើឲ្យការប្រកួតលីគបាល់ទាត់កំពូលកម្ពុជាកាន់តែមានគុណភាព និងប្រជែងប្រជែងខ្លាំងតាមរយៈការប្រកួតមាន៣ជើងគឺជើងទី១ ជើងទី២ និងជើងទី៣ មុនពេលជ្រើសរើសយក៤ក្រុមកំពូល (Top 4) ដើម្បីប្រកួតជើងទី៤ទៀតទើបរកឃើញក្រុមជើងឯក។