អ៊ុយក្រែនបាញ់ទម្លាក់មីស៊ីល និងយន្តហោះគ្មានមនុស្សបើក ១៦គ្រឿងរបស់រុស្ស៊ី

កងទ័ពអាកាសអ៊ុយក្រែនបាននិយាយកាលពីថ្ងៃព្រហស្បតិ៍ ទី១៦ ខែវិច្ឆិកា ថា យោធាអ៊ុយក្រែនបានបាញ់ទម្លាក់យន្តហោះគ្មានមនុស្សបើកចំនួន ១៦ គ្រឿងក្នុងចំណោមយន្តហោះគ្មានមនុស្សបើកចំនួន ១៨ គ្រឿងដែលផលិតដោយរុស្ស៊ី ក៏ដូចជាមីស៊ីលមួយ ក្នុងអំឡុងពេលការវាយប្រហារមួយយប់។

ក្នុងនោះយន្តហោះគ្មានមនុស្សបើកពីរគ្រឿងបានរអិលធ្លាក់តាមប្រព័ន្ធការពារដែនអាកាសរបស់អ៊ុយក្រែន នៅក្នុងតំបន់ Khmelnytskyi ភាគខាងលិច ដែលបណ្ដាលឱ្យប្រជាជននៅក្នុងតំបន់ត្រូវជម្លៀសចេញ។

អាជ្ញាធរបាននិយាយថា ហេដ្ឋារចនាសម្ព័ន្ធស៊ីវិលដែលមិនបានបញ្ជាក់នៅក្នុងតំបន់ភាគខាងកើតនៃទីក្រុង Kharkov ដែលមានព្រំប្រទល់ជាប់នឹងប្រទេសរុស្ស៊ីត្រូវបានបំផ្លាញដោយកាំជ្រួច S-300 ប៉ុន្តែមិនមានការរាយការណ៍ពីការស្លាប់ ឬរបួសនោះទេ។

នៅក្នុងសេចក្តីថ្លែងការណ៍ដាច់ដោយឡែកមួយ ក្រសួងថាមពលរបស់អ៊ុយក្រែនបាននិយាយថា ការបាញ់ផ្លោងរបស់រុស្ស៊ីបានកំណត់គោលដៅលើស្ថានីយថាមពលមួយនៅក្នុងតំបន់ Donetsk ភាគខាងកើត។ ប្រជាជនអ៊ុយក្រែនភ័យខ្លាចថា រុស្ស៊ីគ្រោងនឹងធ្វើការវាយប្រហារតាមអាកាសនៅរដូវរងាទីពីរ សំដៅលើបណ្តាញថាមពល និងប្រព័ន្ធថាមពល ដែលបណ្តាលឱ្យដាច់ចរន្តអគ្គិសនី និងការដាច់ភ្លើងផ្សេងទៀត៕

ប្រែសម្រួល៖ សន្យា

ប្រភព៖ CNA

ចុចអាន៖ អ៊ីស្រាអែល ដកកម្លាំងទ័ព និងយានជំនិះយោធាមួយចំនួនចេញពីមន្ទីរពេទ្យ​ធំនៅហ្គាហ្សា