ព័ត៌មានអន្ដរជាតិ

មនុស្ស១១នាក់ស្លាប់ក្នុងការវាយប្រហារដោយមីស៊ីល S-300នៅអ៊ុយក្រែនយប់មិញ

បានផុស

៣ years មុន

នៅ

ថ្ងៃអាទិត្យ ៧ មករា ២០២៤

ដោយ

យ៉ាងហោចណាស់មនុស្ស១១នាក់ក្នុងនោះមានកុមារ៥នាក់ត្រូវបានសម្លាប់ក្នុងការវាយប្រហារដោយមីស៊ីល S-300 របស់រុស្ស៊ីយប់ថ្ងៃសៅរ៍ ទី៦ ខែមករា ឆ្នាំ២០២៤ នៅតំបន់ Donetsk ប្រទេសអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vadym Filashkin ប្រធានរដ្ឋបាលយោធាតំបន់ Donetsk បានផ្សាយក្នុង Telegram មួយថា ទាំងនេះជាលទ្ធផលបឋមនៃការវាយប្រហារនៅស្រុក Pokrovsk។ កម្លាំងរុស្ស៊ីបានវាយប្រហារនៅតំបន់ដោយគ្រាប់មីស៊ីល S-300 សម្លាប់មនុស្ស១១នាក់ និងរបួស៨នាក់។ កន្លែងរងការវាយប្រហារនៅស្រុក Pokrovsk និង Rivne ជាសហគមន៍ Myrnohrad។

លោកនិយាយថា ៖«សត្រូវវាយប្រហារជនស៊ីវិល ដោយព្យាយាមធ្វើទុក្ខបុកម្នេញលើទឹកដីរបស់យើងតាមលទ្ធភាពដែលអាចទៅរួច»។

ស្រុក Donetsk ស្ថិតនៅតំបន់សមរភូមិប៉ះទង្គិចគ្នាភាគខាងកើតប្រទេសអ៊ុយក្រែន ហើយផ្នែកខ្លះត្រូវបានកាន់កាប់ដោយកម្លាំងទ័ពរុស្ស៊ី។

សេវាសង្គ្រោះបន្ទាន់រដ្ឋអ៊ុយក្រែ (SES) បាននិយាយថា ការខិតខំប្រឹងប្រែងរុករក និងជួយសង្គ្រោះនៅកន្លែងរងការវាយប្រហារដែលមានផ្ទះ៣ខ្នងត្រូវបានបំផ្លាញ និងរថយន្ត១គ្រឿងឆេះកំពុងបន្តដំណើរការ។

ប្រធានាធិបតីអ៊ុយក្រែន លោក Volodymyr Zelensky បានសម្តែងការចូលរួមរំលែកទុក្ខដល់ក្រុមគ្រួសាររង់ទុក្ខនៅក្នុងសុន្ទរកថាទាំងយប់។

លោកបាននិយាយថា ៖«រុស្ស៊ីត្រូវតែមានអារម្មណ៍ និងតែងតែមានអារម្មណ៍ ដែលថា បើគ្មានការវាយប្រហារទាំងនេះ នឹងគ្មានផលវិបាកកើតឡើង។ យើងត្រូវតែធានាឲ្យបានចំណុចនេះ ដោយកម្លាំងរបស់យើង ការការពារខ្លួនរបស់ខ្លួនយើង និងសមត្ថភាពនយោបាយរបស់យើង»៕

ប្រែសម្រួល៖ វីរបុត្រ
ប្រភព៖ CNN

Related Topics:សង្គ្រាមរុស្ស៊ី-អ៊ុយក្រែន