ព័ត៌មានជាតិ

លោកស្នងការខេត្តនិងមន្ត្រីពាក់ព័ន្ធចុះសួរសុខទុក្ខពលករមកពីប្រទេសថៃដែលកំពុងធ្វើចត្តាឡីស័ក

បានផុស

៥ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

ពលរដ្ឋឆ្លងដែនត្រឡប់មកពីប្រទេសថៃចំនួន១៣នាក់ ដែលកំពុងដាក់ឲ្យធ្វើចត្តាឡីស័កនៅសណ្ឋាគារមួយក្នុងក្រុងដូនកែវ ត្រូវបានថ្នាក់ដឹកនាំខេត្ត លោកស្នការខេត្ត និងមន្ត្រីពាក់ព័ន្ធចុះសួរសុខទុក្ខ។

ការចុះទៅជួបជាមួយពលករទាំង១៣នាក់នេះ គឺនៅព្រឹកថ្ងៃទី១៤ ខែកុម្ភៈ ឆ្នាំ២០២១ ដោយអនុវត្តតាមបទបញ្ជាដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គោលការណ៍ណែនាំរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានវត្តមាននាឳកាសនោះ លោកឧត្តមសេនីយ៍ទោ សុខ សំណាង ស្នងការនៃស្នងការដ្ឋាននគរបាលខេត្តតាកែវ លោកស្រី គា សុភូ អភិបាលរងខេត្តតាកែវ និងលោក កង អាណាន់ អភិបាលក្រុងដូនកែវ នៅសណ្ឋាគារ(Seven Day) ក្នុងគោលបំណងជួបសំណេះសំណាលសាកសួរសុខទុក្ខ និងយកព័ត៌មានពីពលករខ្មែរដែលឆ្លងដែនពីប្រទេសថៃទាំង១៣នាក់នោះ។

សូមបញ្ជាក់ថា កាលពីថ្ងៃទី១២ ខែកុម្ភៈ ឆ្នាំ២០២១ ពលករទាំង១៣នាក់បានធ្វើដំណើរពីប្រទេសថៃមកដល់ស្រុកគីរីវង់ ក្នុងនោះអាជ្ញាធរ បានយកពួកគាត់ទាំងអស់មកធ្វើចត្តាឡីស័កនៅសណ្ឋាគារ(Seven day)ស្ថិតក្នុងភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ៕

អត្ថបទ ៖ វីរៈ