ជីវិតកម្សាន្ដ

ទេវនាដនិម្មិត ឯម ធាយ ធ្លាក់ខ្លួនឈឺធ្ងន់ បន្ទាប់ពីរអិលដួលក្នុងបន្ទប់ទឹក

បានផុស

៥ years មុន

នៅ

ថ្ងៃអាទិត្យ ២៨ កុម្ភៈ ២០២១

ដោយ

នេះជាដំណឹងដ៏ក្ដុកក្ដួលណាស់សម្រាប់មហាជននិងអ្នកគាំទ្រ បន្ទាប់ពីទទួលដំណឹងនៃការធ្លាក់ខ្លួនឈឺធ្ងន់របស់អ្នកស្រីព្រឹទ្ធាចារ្យទេវនាដនិម្មិត ឯម ធាយ ដែលមត៌កមនុស្សរស់ថ្នាក់ជាតិឯកទេសរបាំក្បាច់បុរាណខ្មែរ។

យោងតាមការបញ្ជាក់នៅលើផេក Amazing Ca mbodai បានរៀបរាប់ថា ព្រឹទ្ធាចារ្យទេវនាដនិម្មិត ឯម ធាយបានធ្លាក់ខ្លួនឈឺដើរមិនរួច បន្ទាប់ពីដួលក្នុងបន្ទប់ទឹក។ ការដួលនោះបានធ្វើឲ្យព្រឹទ្ធាចារ្យឈឺចង្កេះហើយបន្ទាប់ពីលេបថ្នាំព្យាបាលការឈឺ ចង្កេះនោះច្រើន បែរជាធ្វើឲ្យប៉ះពាល់ដល់តម្រងនោមបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបាននិយាយទៀតថាយើងមានការសោកស្ដាយដែលទើបទទួលបានព័ត៌មានថាទេវនាដនិម្មិត ឯម ធាយ មត៌កមនុស្សរស់ថ្នាក់ជាតិឯកទេសរបាំក្បាច់បុរាណខ្មែរ ជានាដកាពីសង្គមវ័យចំណាស់បំផុតដែលនៅរស់រានមានជីវិត បានជួបគ្រោះរអិលដួលក្នុងបន្ទប់ទឹក ហើយកំពុងមានបញ្ហាឈឺចង្កេះ និង ប៉ះពាល់ដល់តម្រងនោមដែលបណ្ដាលមកពីការទទួលទានថ្នាំបំបាត់ការឈឺចាប់ចង្កេះ ។

ប្រភពដដែលបានបន្ថែមថាក្រុមគ្រួសារលោកយាយបានប្រកាសជាផ្លូវការដល់មហាជនថាលោកយាយមិនអាចក្រោកសម្ដែងក្បាច់របាំជូនក្មេងៗមើលដូចមុនទៀតបានឡើយ ។សូមជូនពរគ្រាប់ពេជ្ររបាំចុងក្រោយរូបនេះឲ្យមានអាយុយឺនយូរ និងសុខភាពរឹងមាំឡើងវិញឆាប់ៗផងដែរ៕

អត្ថបទ៖ចាន់រ៉ា

ចុចអាន៖ញាក់សាច់! ថ្ងៃសម្ភោធចូលផលិតកម្ម «រាម» មាស សុខសោភា ពាក់គ្រឿងអលង្កាថ្លៃកប់ពពក