កីឡា

អតីតកីឡាករអ៉ីតាលីម្នាក់ថា Juventus ចុះកុងត្រា Ronaldo ជាកំហុសឆ្គងមួយ

បានផុស

៥ years មុន

នៅ

ថ្ងៃអង្គារ ២ មីនា ២០២១

ដោយ

តារាឆ្នើមព័រទុយហ្គាល់មិនអាចជួយ Juventus ឲ្យលេចធ្លោនៅពានរង្វាន់ Champions League បានទេរហូតដល់ពេលនេះ ចាប់តាំងពីរូបគេបានចាក់ចេញពី Real Madrid កាលពីឆ្នាំ២០១៨។

អតីតកីឡាករអន្តរជាតិអ៊ីតាលី Antonio Cassano បាននិយាយថា ការចុះកុងត្រាយក Cristiano Ronaldo បានបង្ហាញឲ្យឃើញជាកំហុសមួយម្រាប់ Juventus។ កីឡាករព័រទុយហ្គាល់បានមកចូលរួមជាមួយក្លឹបនៅ Turin កាលពីឆ្នាំ២០១៨។ ក្លឹបនេះមានគោលបំណងសំខាន់គឺជួយឲ្យ Juventus លេចធ្លោខ្លាំងនៅ Champions League។ គោលបំណងនេះនៅតែមិនទាន់បំពេញបាន ហើយលោក Cassano មានអារម្មណ៍ថា Juve មានកំហុសក្នុងការចុះកុងត្រាយកម្ចាស់ពាន Ballon d’Or ៥សម័យកាលពីក្លឹប Real Madrid។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Cassano បានលើកហេតុផលថា ៖«Juventus ចុះកុងត្រាយកគាត់ដើម្បីឈ្នះពាន Champions League ប៉ុន្តែក្រុមនេះរឹតតែដុនដាបជាងមុននៅពេលមានគាត់។ ពួកគេនៅតែអាចពានលីគអ៊ីតាលី Serie A ដោយ Ronaldo បាន។ គាត់នៅតែអាចរកគ្រាប់បាល់បាន ពីព្រោះគាត់យល់ពីរបៀបដែលរកគ្រាប់បាល់។ គាត់រត់ពីខាងឆ្វេង ទទួលបាល់ដោយជើងស្តាំ ហើយស៊ុតតែម្តង។ ក្បាលរបស់គាត់គឺជំនាញគ្មានពីរទៅហើយ»។

Ronaldo ដែលមានអាយុ៣៦ឆ្នាំបានឈ្នះជើងឯកលីគអ៊ីតាលីជាមួយ Juventus ពីរដូវកាលជាប់គ្នា និងបានក្លាយជាកីឡាករឆ្នើមប្រចាំឆ្នាំ២០១៩ ព្រមទាំងឈ្នះពាន Supercoppa Italina ឆ្នាំ២០១៨ និង២០១៩។

សម្រាប់ការប្រកួតពានរង្វាន់ Champions League នៅរដូវកាលនេះ Juventus បានចាញ់ Porto ក្រៅដីដោយលទ្ធផល ២-១ នៅជើងទី១ វគ្គ១៦ក្រុមចុងក្រោយ ខណៈជើងទី២ត្រូវប្រកួតនៅផ្ទះរបស់ខ្លួនថ្ងៃទី៩ ខែមីនា។

ចំណែកនៅលីគ Serie A វិញ ក្រុម Juventus កំពុងឈរលេខ៣ តាមពីក្រោយក្រុមលេខ១ Inter ១០ពិន្ទុ និងក្រុមលេខ២ AC Milan ៧ពិន្ទុ ប៉ុន្តែនៅមាន១ប្រកួតក្នុងដៃ៕