ជីវិតកម្សាន្ដ

ក្រុមបាល់ទាត់តារាកម្ពុជា ទទួលអំណោយរថយន្តក្រុងយ៉ាងស្រស់ស្អាតពី សម្ដេចតេជោ ហ៊ុន សែន ដើម្បីចូលរួមការងារសប្បុរសធម៌

បានផុស

២ years មុន

នៅ

ថ្ងៃព្រហស្បតិ៍ ១១ កក្កដា ២០២៤

ដោយ

ថ្វីត្បិតតែមិនបានជ័យជំនះក្នុងការប្រកួតបាល់ទាត់ជាមួយក្រុមកីឡាករថ្នាក់ដឹកនាំខេត្តកំពតក្តី ប៉ុន្តែក្រុមបាល់ទាត់ តារាកម្ពុជា រំភើបចិត្ត ដែល សម្តេចតេជោ ហ៊ុន សែន បានផ្តល់អំណោយជារថយន្តក្រុងយ៉ាងស្រស់ស្អាតដល់ក្រុមរបស់ខ្លួន ដើម្បីធ្វើដំណើររាល់ពេលប្រកួតម្តងៗ និងចូលរួមកម្មវិធីសប្បុរសធម៌នានា…។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង លោក ខេម ដែលជាប្រធានក្រុមបាល់ទាត់តារាកម្ពុជា បាននិយាយថា «រថយន្តសម្រាប់ដឹកកីឡាករបាល់ទាត់តារាកម្ពុជាក្នុងការងារសង្គម និងការងារសប្បុរសធម៌ដែលជាអំណោយដ៏ថ្លៃថ្លាឧបត្ថម្ភដោយ សម្ដេចអគ្គមហាសេនាបតីតេជោ ហ៊ុន សែន។ គោរពជូនពរ សម្ដេចពុក សម្ដេចម៉ែ និងក្រុមគ្រួសារ ទទួលបាននូវសេចក្តីសុខសាន្ត សុខភាពល្អបរិបូរណ៍ ព្រះជន្មាយុយឺនយូរ ជាម្លប់សម្រាប់កូនចៅរហូតតទៅ។ ពួកយើង នឹងនៅតែបន្តគ្រប់ការងារសកម្មភាពសង្គម និងការងារសប្បុរសធម៌ ដើម្បីសង្គមជាតិ និងដើម្បីប្រទេសកម្ពុជា ចូលរួមលេងកីឡាដើម្បីចៀសឆ្ងាយពីគ្រឿងញៀន ដើម្បីសុខភាព កីឡារស់ក្នុងសន្តិភាព»។

ព្រឹត្តិការណ៍បាល់ទាត់មិត្តភាពរវាង ក្រុមបាល់ទាត់ តារាកម្ពុជា និងក្រុមកីឡាករថ្នាក់ដឹកនាំខេត្តកំពត ក្រោមប្រធានបទ «រួមគ្នាគាំទ្រគម្រោងព្រែកជីកហ្វូណនតេជោ» បានបញ្ចប់ទៅដោយជោគជ័យ បើទោះបីជាខាងក្រុមបាល់ទាត់តារាកម្ពុជា បានចាញ់ខាងក្រុមកីឡាករថ្នាក់ដឹកនាំខេត្តកំពតក្តី ប៉ុន្តែមានអ្នកចូលរួមទស្សនារហូតដល់ទៅរាប់ម៉ឺននាក់ ដើម្បីផ្តល់ជាកម្លាំងចិត្តដល់កីឡាករទាំងអស់៕