សន្តិសុខសង្គម

ឆេះផ្ទះស្តុកវ៉ែនតា ជាន់ទី ១ មួយកន្លែង បង្កការភ្ញាក់ផ្អើល

បានផុស

២ years មុន

នៅ

ថ្ងៃចន្ទ ១៥ កក្កដា ២០២៤

ដោយ

អគ្គិភ័យបានឆាបឆេះផ្ទះជាន់ទី ១ ដែលស្តុកវ៉ែនតា មួយកន្លែង យ៉ាងសន្ធោសន្ធៅ បង្កឲ្យមានការភ្ញាក់ផ្អើល រថយន្តពន្លត់អគ្គិភ័យចុះមកអន្តរាគមន៍ទាន់ពេលវេលា មិនរាលដាលដល់ផ្ទះអ្នកជិតខាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍អគ្គិភ័យនេះបានកើតឡើងនៅវេលាម៉ោងប្រមាណ ១០ និង ២០ នាទី ព្រឹកថ្ងៃទី ១៥ ខែកក្កដា ឆ្នាំ ២០២៤ ស្ថិតតាមបណ្ដោយផ្លូវ ១៧០ ជាន់ទី ១ សង្កាត់អូរឫស្សីទី ០១ ខណ្ឌ ៧ មករា រាជធានីភ្នំពេញ។

បើតាមប្រភពពីប្រជាពលរដ្ឋបានឲ្យដឹងថា ពួកគាត់បានធុំក្លិនឈ្ងៀម ក៏នាំគ្នាដើររកមើលឃើញមានផ្សែងហ៊ុយខ្មៅខ្មួលខ្មាញ់ហ៊ុយចេញមកក្រៅផ្ទះជាន់ទី ១ ភ្លាមៗ ប្រជាពលរដ្ឋនៅទីនោះ នាំគ្នាស្រែកឆោឡោថាមានភ្លើងឆេះផ្ទះ រួចបានទាក់ទងទៅសមត្ថកិច្ចមូលដ្ឋានឲ្យចុះមកកន្លែងកើតហេតុ និងទាក់ទងមន្ត្រីជំនាញបង្ការនិងពន្លត់អគ្គិភ័យ មកជួយអន្តរាគមន៍បាញ់ពន្លត់ទាន់ពេលវេលា មិនមានការរាលដាល។ ក្នុងនោះ លោក ថេង សុថុល អភិបាលខណ្ឌ ៧ មករា រួមជាមួយមន្ត្រីក្រោមឱវាទ ក៏បានចុះមកត្រួតពិនិត្យផ្ទាល់នៅកន្លែងកើតហេតុដែរ។

អគ្គិភ័យខាងលើបានឆាបឆេះផ្ទះជាន់ទី ០១ ប្រភេទថ្មបេតុង ស្ទើរទាំងស្រុង រួមជាមួយសម្ភារៈមួយចំនួន តែមិនបង្កឲ្យនរណារងរបួសទេ និងមិនមានការរាលដាលដល់ផ្ទះអ្នកដទៃនោះឡើយ។

ប្រតិបត្តិការខាងលើនេះដែរ រថយន្តបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានមកដល់ទីតាំងចំនួន ០៨ គ្រឿង និងរថយន្តពន្លត់របស់ទីក្រុងអូឡាំព្យា ០២ គ្រឿង ប្រើប្រាស់ទឹកអស់ ០៥ គ្រឿង បាញ់រលត់ជាស្ថាពរ។ ចំពោះមូលហេតុ សមត្ថកិច្ច កំពុងធ្វើការស្រាវជ្រាវ៕

អត្ថបទ ៖ ម៉េង