កីឡា
ឪពុកម្តាយតស៊ូជាជនភៀសខ្លួន មុនពេល Nico Williams ក្លាយជាកីឡាករដ៏ឆ្នើម
ទម្រាំមានជីវភាពធូរធារដូចសព្វថ្ងៃ ឪពុកម្ដាយរបស់កីឡាករ Nico Williams បានតស៊ូជម្នះឧបសគ្គគ្រប់យ៉ាង ដោយពួកគាត់បានចិត្តចាកចេញពីប្រទេសហ្គាណាក្នុងនាមជាជនភៀសខ្លួន ដើម្បីទៅជ្រកកោននៅទឹកដីប្រទេសអេស្ប៉ាញ។
លោក Felix Williams ជាឪពុក និងអ្នកស្រី Maria Arthuer ជាម្តាយបានចាកចេញពីប្រទេសហ្គាណា នៅពេលមានផ្ទៃពោះកីឡាករ Iñaki Williams ដែលជាបងប្រុសរបស់កីឡាករ Nico Williams។
ប្តីប្រពន្ធមួយគូនេះបានដើរឆ្លថកាត់វាលខ្សាច់សាហារ៉ាដែលមានចម្ងាយរាប់គីឡូ។ ពេលនោះ ពួកគាត់ត្រូវប្រឈមអត់មានអាហារគ្រប់គ្រាន់ អំពើចោរកម្ម និងគ្រោះថ្នាក់ជាច្រើននៅពេលធ្វើដំណើរ។ ទម្រាំដល់ប្រទេសអេស្ប៉ាញ ពួកគាត់ទាំង២ត្រូវឆ្លងកាត់សមុទ្រមេឌីទែរ៉ាណេជួបការលំបាកជាច្រើន។
នៅពេលទៅដល់ប្រទេសអេស្ប៉ាញក្នុងនាមជាជនភៀសខ្លួន លោក Felix បានធ្វើការងារផ្សេងៗជាច្រើនមានដូចជាផ្នែកកសិកម្ម និងសំណង់ ដើម្បីរកប្រាក់ចិញ្ចឹមគ្រួសារ។
ក្រោយការលះបង់ដ៏ធំធេង ដោយបានឆ្លងកាត់ទុក្ខលំបាកជាច្រើន លោក Felix Williams និងអ្នកស្រី Maria Arthuer ពិតជាទទួលបានផ្លែផ្កា ដោយសារកូនប្រុសទាំងពីររបស់ពួកគាត់គឺកីឡាករ Iñaki Williams និង Nico Williams បានក្លាយជាកីឡាករបាល់ទាត់អាជីពក្នុងប្រទេសអេស្ប៉ាញដែលរកប្រាក់ចំណូលបានច្រើន ដើម្បីផ្គត់ផ្គង់គ្រួសារ។
កីឡាករ Nico Williams ដែលបានកើតនៅប្រទេសអេស្ប៉ាញនៅឆ្នាំ២០០២ ជាយុវជនរបស់ក្លិប CD Pamplona កាលពីឆ្នាំ២០១០ មុនពេលក្លាយជាសមាជិកក្រុមធំរបស់ Athletic Bilbao ដែលលេចធ្លោនៅលីគអេស្ប៉ាញ ហើយក៏ត្រូវបានកោះហៅចូលជម្រើសជាតិអេស្ប៉ាញតាំងពីក្រុមយុវជនរហូតដល់ក្រុមធំ និងជួយអេស្ប៉ាញឈ្នះជើងឯកអឺរ៉ូ ឆ្នាំ២០២៤។
ចំណែកកីឡាករ Iñaki Williams ដែលជាបងប្រុសរបស់ Nico Williams កើតនៅប្រទេសអេស្ប៉ាញនៅឆ្នាំ១៩៩៤ ធ្លាប់លេងឲ្យក្លិប Athletic Bilbao ហើយក៏ធ្លាប់ជាប់ជម្រើសជាតិអេស្ប៉ាញពីឆ្នាំ២០១៥ដល់២០១៧ មុនពេលជ្រើសរើសយកជម្រើសជាតិហ្គាណានៅឆ្នាំ២០២២៕
ប្រែសម្រួល៖ ផា រតនា
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៩ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង