ជីវិតកម្សាន្ដ

បង្ហាញមុខនៅប៉ុស្តិ៍ប៉ូលិស Suga អោនមុខសុំទោសសាធារណជន ចំពោះកំហុសដែលខ្លួនបង្កឡើង

បានផុស

៧ ខែ មុន

នៅ

ថ្ងៃចន្ទ ២៦ សីហា ២០២៤

ដោយ

យោងតាមការចុះផ្សាយពីសារព័ត៌មាន Yonhap បានបញ្ចាក់កាលពីថ្ងៃទី២៣ ខែសីហាថា Suga ដែលមានឈ្មោះពិតថា Min Yoon-ki បានមកដល់ប៉ុស្តិ៍ប៉ូលិស Yongsan នៅម៉ោងប្រហែល ៧:៤៥ យប់ ១៧ថ្ងៃ បន្ទាប់ពីតារាចម្រៀងប្រុសរូបនេះបានបំពានច្បាប់ចរាចរណ៍ ដោយបើកបរម៉ូតូស្កូតឺអគ្គិសនី នៅក្រោមឥទ្ធិពលនៃជាតិអាល់កុលលើសកម្រិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា មុនចូលទៅខាងក្នុងប៉ុស្តិ៍ប៉ូលិសដើម្បីសួរចម្លើយ និងស្ថិតនៅពីមុខក្រុមអ្នកសារព័ត៌មានរាប់រយឈរចាំត្រៀបត្រា តារាចម្រៀងវ័យ ៣១ ឆ្នាំរូបនេះបាននិយាយដោយបន្ទាបក្បាលសុំទោសថា៖ «ជាដំបូង ខ្ញុំពិតជាសុំទោសដោយស្មោះ! ខ្ញុំមានការសោកស្តាយយ៉ាងខ្លាំង ហើយពេលនេះខ្ញុំបានធ្វើឲ្យអ្នកគាំទ្រជាច្រើន រួមទាំងសាធារណជនខកចិត្តយ៉ាងខ្លាំងចំពោះរូបខ្ញុំ។

ភ្លាមៗបន្ទាប់ពីនិយាយសុំទោស សមាជិកក្រុម BTS បានប្រញាប់ដើរចូលទៅខាងក្នុងដោយមិនបានឆ្លើយសំណួររបស់អ្នកសារព័ត៌មានណាម្នាក់ឡើយ។ ការសាកសួរនេះ មានរយៈពេលប្រហែលបីម៉ោង ទើបគេឃើញ Suga ដើរចេញមកដោយមានរថយន្តចាំទទួលត្រលប់ទៅវិញ។

ទោះបីជាយ៉ាងណាក៏ដោយ ប៉ូលិសក៏ធ្លាប់បាននិយាយថា កំហាប់ជាតិអាល់កុលក្នុងឈាមរបស់ Suga នៅពេលនោះត្រូវបានវាស់នៅ ០.២២៧ ភាគរយ ដែលលើសពីកម្រិតនៃការលុបចោលអាជ្ញាបណ្ណធានាដែលមាន ០.០៨ ភាគរយ ឬខ្ពស់ជាងនេះ។ ប៉ុន្តែចំពោះព័តភ៌មានលម្អិតថា លោកនឹងត្រូវជាប់ទោសបបែបណា នាពេលនេះពុំទាន់មានការបញ្ចាក់ច្បាស់លាស់នូវឡើយទេ។

ដោយឡែក ផលិតកម្ម Big Hit Music ដែលជាភ្នាក់ងាររបស់ BTS បានរងការរិះគន់ ដោយសារបានហៅម៉ូតូស្កូតឺថា វាគ្រាន់តែជាយាន្តអគ្គិសនីប៉ុណ្ណោះ។ ដ្បិតថាបែបនេះក្ដី នៅក្រោមច្បាប់ ការបំពានលើការជិះម៉ូតូអគ្គិសនីត្រូវទទួលទោសទណ្ឌព្រហ្មទណ្ឌ ចំណែកយាន្តអគ្គិសនីធម្មតាអាចនឹងត្រូវដកចេញពីការពិន័យ។

សូមរម្លឹកដែរថា Suga បានបម្រើការជាភ្នាក់ងារសេវាសង្គម ដែលជាទម្រង់ជំនួសនៃការបម្រើយោធានៅក្នុងប្រទេសកូរ៉េខាងត្បូង ចាប់តាំងពីខែមីនាមកម៉្លេះ ហើយអាចនឹងបញ្ចប់កាព្វកិច្ចមួយនេះនៅខែមិថុនាឆ្នាំក្រោយ។ ក៏ប៉ុន្តែ កំឡុងពេលបំពេញការងារយោធា សមាជិក BTS រូបនេះ បែរជាបំពានច្បាប់បង្កគ្រោះថ្នាក់លើដងផ្លូវ ដោយសារតែរូបគេបានផឹកស្រវឹងជោគជាំក្នុងកម្រិតជាតិអាកុលខ្ពស់បំផុត៕