ខេមរ: សិរីមន្ត នាំយកសម្លៀកបំពាក់ខ្មែរដោយរំលេចនូវរូបអង្គរវត្ត ស៊ីក្លូ និងរទេះគោ ទៅសម្តែងនៅអាមេរិក

ដូចការគ្រោងទុក ទីបំផុតកំពូលតារាចម្រៀងឧកញ៉ា ខេមរ: សិរីមន្ត បានធ្វើដំណើរចាកចេញពីមាតុភូមិប្រទេសកម្ពុជាដើម្បីទៅច្រៀងនិង សម្តែងនៅលើឆាកតន្ត្រីនាទឹកដីប្រទេសមហាអំណាចសម្បូរដុល្លារសហរដ្ឋអាមេរិកហើយនៅថ្ងៃទី២៥ ខែកញ្ញា ឆ្នាំ២០២៤។

តារាចម្រៀងលោក សិរីមន្ត បញ្ជាក់ថា ក្នុងដំណើរចេ ញទៅច្រៀងនិងសម្តែងនៅអាមេរិកនេះដែរលោកបា ននាំយកនូវសម្លៀកបំពាក់ខ្មែររំលេចរូបអង្គរវត្ត ស៊ីក្លូ ក្បាលនាគនៅក្លោងទ្វាប្រាសាទអង្គរវត្ត និង រទះគោជាដើម ដើម្បីបង្ហាញនិងផ្សព្វផ្សាយពីវប្បធម៌ដ៏ល្អផូរផង់របស់ខ្មែរ។

ឧកញ៉ា ខេមរ: សិរីមន្ត បានប្រាប់ឲ្យដឹងមុនពេលឡើ ងយន្តហោះថាលោកបានត្រៀមខ្លួនរួចរាល់ដើម្បីច្រៀ ងនិងសម្តែងជូនបងប្អូនអាណិកជនខ្មែរនៅអាមេរិកបានរាំលេងសប្បាយក្នុងកម្មវិធីតន្ត្រីវប្បធម៌មួយមាន ឈ្មោះថា Cambodia day ។

លោក ខេមរ: សិរីមន្ត បាននិយាយថាជម្រាបសួរពុកម៉ែបងប្អូនទាំងអស់គ្នានៅ«សហរដ្ឋអាមេរិក» ថ្ងៃនេះខ្ញុំបាទខេមរៈ សិរីមន្ត បានចេញដំណើរទៅហើយ ដើម្បីសម្តែងសាធារណជនទស្សនា នៅថ្ងៃទី២៨ ខែកញ្ញា ក្នុងកម្មវិធីតន្ត្រីវប្បធម៌ Cambodia day នៅទីតាំងញូញៀនស្វ៊ែ ទីក្រុងសាន់ហ្វ្រាន់ស៊ីស្កូ សហរដ្ឋអាមេរិក។

គួរបញ្ជាក់ថា ចូលប្រឡូកក្នុងវិស័យសិល្ប:ផ្នែកចម្រៀយូរឆ្នាំកន្លងមកនេះ កំពូលតារាចម្រៀងលោក ខេមរ: សិរីមន្ត នៅតែទទួលបានការគាំទ្រច្រើន ពីសំណាក់មហាជននិងមិត្តៗយុវវ័យ៕ អត្ថបទ៖ ចាន់រ៉ា