ព័ត៌មានអន្ដរជាតិ

ឥណ្ឌូណេស៊ី៖ ទំនើបកម្មអាចបន្ថយការចំណាយលើការធ្វើកសិកម្មរហូតដល់ ៧០ ភាគរយ

បានផុស

៧ ខែ មុន

នៅ

ថ្ងៃចន្ទ ១៤ តុលា ២០២៤

ដោយ

រដ្ឋមន្ត្រីក្រសួងកសិកម្មឥណ្ឌូណេស៊ី លោក Andi Amran Sulaiman បានថ្លែងកាលពីថ្ងៃសៅរ៍ថា ទំនើបកម្មក្នុងវិស័យកសិកម្មអាចកាត់បន្ថយថ្លៃដើមផលិតកម្ម បានរហូតដល់ទៅ ៧០ ភាគរយ បង្កើនប្រសិទ្ធភាព និងបង្កើនល្បឿនដំណើរការដាំដុះ ដែលទាំងអស់នេះសុទ្ធតែជួយដល់ការពង្រឹងសន្តិសុខស្បៀងជាតិ។ នេះបើតាមការចុះផ្សាយរបស់កាសែត Antara។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sulaiman បានពន្យល់នៅពេលចុះទៅខេត្ត ស៊ូឡាវ៉េស៊ីខាងត្បូង ថា ក្រសួងបានអនុវត្តកម្មវិធីបូមទឹកក្នុងគោលបំណងបង្កើនលទ្ធភាពប្រើប្រាស់ទឹកក្នុងខេត្តសំខាន់ៗដែលផលិតស្រូវ។ លោកបានកត់សម្គាល់ថា ខេត្ត ស៊ូឡាវ៉េស៊ីខាងត្បូង ជាខេត្តផលិតស្រូវធំជាងគេបំផុតទី៤ ដោយមានផ្ទៃដីស្រែជាង ១០៦ ០០០ ហិកតា។

កសិករក្នុងស្រុកតំបន់ឥណ្ឌូណេស៊ី បាននិយាយថា គ្រឿងចក្រទំនើបៗ និងម៉ាស៊ីនបូមទឹកដែលផ្តល់ដោយរដ្ឋាភិបាលបានជួយកសិករក្នុងការជំរុញផលិតកម្មស្រូវរបស់ពួកគេ រួមទាំងការបង្កើនរដូវដាំដុះ ខណៈក្រសួងតែងតែផ្ដល់ជំនួយបច្ចេកទេសរបស់កសិករឥណ្ឌូណេស៊ី។

ការពង្រឹងលើការធ្វើទំនើបកម្មក្នុងវិស័យកសិកម្មរបស់ឥណ្ឌូណេស៊ី ធ្វើឡើងខណៈប្រទេសនេះពឹងផ្អែកខ្លាំងលើស្បៀងនាំចូល រួមទាំងអង្ករ ដែលជាស្បៀងចម្បងសម្រាប់ប្រជាជន។ ការពង្រឹងស្បៀងផលិតក្នុងស្រុក អាចជួយទប់ទល់ឥណ្ឌូណេស៊ី ពីភាពងាយរងគ្រោះនៃកង្វះការផ្គង់ផ្អង់ស្បៀងពីខាងក្រៅ ក៏ដូចជាការប្រែប្រួលនៃតម្រូវស្បៀង៕