ព័ត៌មានអន្ដរជាតិ
EU ពន្យារពេលចាប់ផ្ដើមហាមឃាត់ការនាំចូលទំនិញដែលពាក់ព័ន្ធនឹងការបំផ្លាញព្រៃឈើ ១ ឆ្នាំ
សហភាពអឺរ៉ុប (EU) បានព្រមព្រៀងគ្នាពន្យារពេលចាប់ផ្ដើមអនុវត្តច្បាប់ហាមឃាត់ការនាំចូលនៃទំនិញដែលពាក់ព័ន្ធនឹងការកាប់បំផ្លាញព្រៃឈើ រយៈពេល ១ ឆ្នាំ ប៉ុន្តែមិនបានផ្លាស់ប្ដូរបទប្បញ្ញត្តិដើមនោះទេ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការព្រមព្រៀងគ្នានេះ ធ្វើឡើងក្រោយគណៈកម្មការអឺរ៉ុបកាលពីខែតុលា បានស្នើពន្យារពេល ១២ ខែ រហូតដល់ថ្ងៃទី ៣០ ខែធ្នូ ឆ្នាំ ២០២៥ ដោយសារតែមានការតវ៉ាពីប្រទេសក្នុងប្លុកចំនួន ២០ ក៏ដូចជាក្រុមហ៊ុន និងប្រទេសមួយចំនួន រួមមាន ប្រេស៊ីល និងឥណ្ឌូណេស៊ី ជាដើម។
ប្រតិបត្តិករ និងពាណិជ្ជករធំ ៗ នឹងត្រូវតែគោរពកាតព្វកិច្ចតាមច្បាប់នេះ ចាប់ពីថ្ងៃទី ៣០ ខែធ្នូ ឆ្នាំ ២០២៥ ខណៈសហគ្រាសធុនតូច នឹងត្រូវធ្វើតាម ៦ ខែក្រោយ បន្ទាប់ពីនោះ។ ការពន្យារពេលនេះ ធ្វើឡើងដើម្បីឱ្យក្រុមហ៊ុននាំចូលទៅសហភាពអឺរ៉ុបផ្សេងៗ ត្រៀមសម្របខ្លួនទៅតាម។
គួរគូសបញ្ជាប់ថា បទប្បញ្ញត្តិស្តីពីការកាប់បំផ្លាញព្រៃឈើ មានគោលបំណងកាត់ផ្ដាច់ការកាប់បំផ្លាញព្រៃឈើចេញពីខ្សែច្រវ៉ាក់ផ្គត់ផ្គង់ដូចជាសាច់គោ សណ្ដែកសៀង ឈើ កាកាវ ប្រេងដូង កាហ្វេ និងកៅស៊ូ ដែលនាំចូលទៅលក់នៅអឺរ៉ុប ដើម្បីកុំឱ្យអ្នកប្រើប្រាស់ក្នុងសហភាពអឺរ៉ុប ចូលរួមចំណែកក្នុងការបំផ្លាញព្រៃឈើរបស់ពិភពលោក។
ច្បាប់ប្រឆាំងព្រៃឈើដ៏ធំមួយនេះ ត្រូវបានគេសាទរថាជាជំហានសំខាន់មួយ ក្នុងការប្រយុទ្ធប្រឆាំងនឹងការប្រែប្រួលអាកាសធាតុ។ ប៉ុន្តែវាអាចនឹងប៉ះពាល់ដល់ប្រទេសជាច្រើនដែលនាំចេញទៅសហភាពអឺរ៉ុប ទាំងនៅអាមេរិកខាងត្បូង និងអាស៊ីអាគ្នេយ៍ ដោយសារតែខ្សែច្រវ៉ាក់ផ្គត់ផ្គង់របស់ពួកគេ មានជាប់ពាក់ព័ន្ធនឹងការកាប់បំផ្លាញព្រៃឈើ ជួនកាលជាលក្ខណៈប្រពៃណី ជាពិសេសផលិតផលពីវិស័យកសិកម្ម។
ច្បាប់នេះ ទាមទារឱ្យអ្នកនាំចេញទៅអឺរ៉ុប មានការបញ្ជាក់ថា ផលិតផលរបស់ខ្លួនមិនជាប់ពាក់ព័ន្ធនឹងការកាប់បំផ្លាញព្រៃឈើនោះទេ។ រាប់ចាប់តាំងពីសហភាពអឺរ៉ុបដាក់ចេញឡើង បណ្តាប្រទេសទីផ្សារកំពុងរីកចម្រើនជាច្រើន រួមមានទាំងប្រេស៊ីល និងឥណ្ឌូណេស៊ី បានលើកឡើងថា ច្បាប់នេះមានលក្ខណៈការពារនិយម និងនឹងអាចប៉ះពាល់ដល់កសិករក្រីក្ររាប់លាននាក់៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន