ព័ត៌មានអន្ដរជាតិ

បុរស៥នាក់ត្រូវបានគេប្រទះឃើញស្លាប់ក្នុងអាងត្រីប្រហុកក្នុងខេត្ត Petchabun ប្រទេសថៃ

បានផុស

២ years មុន

នៅ

ថ្ងៃអង្គារ ១០ ធ្នូ ២០២៤

ដោយ

បុរស៥នាក់ត្រូវបានគេប្រទះឃើញស្លាប់ក្នុងអាងផ្អាប់ត្រីប្រហុកនៅរោងចក្រមួយកន្លែងក្នុងស្រុក Lom Sak ក្នុងខេត្តភាគខាងជើងប្រទេសថៃ កាលពីល្ងាចថ្ងៃចន្ទ។ នេះបើយោងតាមការចេញផ្សាយរបស់កាសែត Bangkok Post កាលពីថ្ងៃទី០៩ខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសនៅស្រុក Lom Sak បានទទួលដំណឹងថា មានមនុស្សស្លាប់នៅរោងចក្រនៅ Tambon Nong Khai នៅម៉ោងប្រហែល៥ល្ងាច។ បុរសដែលស្លាប់ត្រូវបានគេស្គាល់អត្តសញ្ញាណត្រឹមតែឈ្មោះ Lam អាយុ ៦៩ ឆ្នាំ Lad អាយុ ៦៨ ឆ្នាំ Jakkrit Senanut អាយុ៥០ឆ្នាំ Hia Wan និង Suparerk Chatchuea អាយុ ៣០ឆ្នាំ។

មុនពេលរកឃើញ ស្ត្រីអាយុ៦៦ឆ្នាំ ដែលជាមិត្តរបស់ម្ចាស់រោងចក្របានប្រាប់ប៉ូលិសតាមរយៈ hotline ថា ម្ចាស់រោងចក្រមិនអាចទាក់ទងកូនប្រសារ និងកម្មកររោងចក្របានទេ។ បន្ទាប់មកប៉ូលិសល្បាតបានចុះទៅដល់កន្លែងកើតហេតុហើយរកឃើញសាកសពបុរសទាំងនោះ។

ប៉ូលិសបានឲ្យដឹងថា ម្ចាស់រោងចក្របានបញ្ជាឲ្យកម្មករសម្អាតអាងមុននឹងមិនអាចទំនងជាមួយពួកគេ។
មូលហេតុពិតប្រាកដដែលបណ្ដាលឲ្យមនុស្សស្លាប់នេះមិនត្រូវបានដឹងនៅឡើយទេ ដោយប៉ូលិសកំពុងស៊ើបអង្កេតមូលហេតុនៃការស្លាប់នេះ៕