កីឡា

Neymar ប្រាប់ផែនការថ្មី ក្រោយជាសះស្បើយពីរបួស

បានផុស

២ years មុន

នៅ

ថ្ងៃអង្គារ ១៧ ធ្នូ ២០២៤

ដោយ

ខ្សែប្រយុទ្ធសញ្ជាតិប្រេស៊ីល Neymar បានបង្ហាញពីគោលដៅធំ២ ដែលខ្លួនចង់ធ្វើ ក្រោយជាសះស្បើយពីរបួស និងការវិលចូលទីលានបាល់ទាត់វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Neymar បានបង្ហាញខ្លួនចំនួន៧លើកជាមួយក្រុម Al-Hilal គិតចាប់តាំងពីចូលរួមជាមួយពួកគេនៅក្នុងរដូវក្តៅឆ្នាំ២០២៣។ ទោះបីជាមិនបានបង្ហាញខ្លួនច្រើនជាមួយក្លិប ប៉ុន្តែរូបគេនៅតែរីករាយក្នុងការស្នាក់នៅជាមួយក្រុមនៅលីគអារ៉ាប៊ីសាអ៊ូឌីត។ ខ្សែប្រយុទ្ធរូបនេះបានរៀបចំផែនការអនាគតរបស់ខ្លួនហើយ។

កីឡាករ Neymar បាននិយាយថា ៖«ខ្ញុំចង់លេងនៅពាន Club World Cup 2025 ជាមួយ Al-Hilal ពីព្រោះវាមានសារសំខាន់សម្រាប់ក្លិប។ ជាក់ស្តែង World Cup គឺជាគោលដៅសម្រាប់កីឡាករទាំងអស់។ ខ្ញុំបានលេងនៅ World Cup បីដងរួចហើយ។ ខ្ញុំច្បាស់ជាចង់ធ្វើលើកទីបួន។ ខ្ញុំត្រូវតែផ្តោតលើរឿងនោះ ហើយត្រូវរៀបចំឲ្យខ្លួនឲ្យបានល្អនៅទីនេះ»។

Neymar បានរងរបួសដាច់សរសៃពួរជង្គង់ នៅពេលលេងឲ្យក្រុមប្រេស៊ីលក្នុងវគ្គជម្រុះ World Cup កាលពីខែតុលាឆ្នាំ២០២៣ ធ្វើឲ្យអាជីពបាល់ទាត់របស់គេស្ទើរតែបាត់បង់ ប៉ុន្តែរូបគេនៅតែតស៊ូ ដើម្បីសម្រេចគោលដៅរបស់ខ្លួន។

កីឡាករ Neymar បានបន្ថែម ៖«ខ្ញុំចង់មានរដូវកាលដ៏ល្អជាមួយ Al-Hilal។ ខ្ញុំនៅមានពេលតិចតួច ដើម្បីត្រឡប់ទៅទម្រង់លេងកម្រិតខ្ពស់ដូចមុន ហើយដើម្បីបង្ហាញពីមូលហេតុដែលខ្ញុំមកទីនេះ។ គោលដៅចម្បងរបស់ខ្ញុំគឺនៅទីនេះព្យាបាលរបួសឲ្យជាសះស្បើយឡើងវិញ អភិវឌ្ឍរាងកាយ និងចាប់ផ្ដើមលេងម្តងទៀត»៕