នយោបាយ

សម្ដេចតេជោ៖ នាវាជប៉ុននឹងត្រូវអនុញ្ញាតឱ្យចូលចតនៅកំពង់ផែរាមមុនគេក្រោយពេលសង់រួច

បានផុស

១ year មុន

នៅ

ថ្ងៃសុក្រ ២០ ធ្នូ ២០២៤

ដោយ

ប្រមុខរដ្ឋស្ដីទី ប្រធានព្រឹទ្ធសភា សម្ដេចតេជោ ហ៊ុន សែន មានប្រសាសន៍ថាក្រោយពេលសាងសង់រួចនាវាជប៉ុននឹងត្រូវស្វាគមន៍ឱ្យចូលចតនៅកំពង់ផែសមុទ្ររាមមុនគេ ឆ្លុះបញ្ចាំងពីទំនាក់ទំនងក្នុងវិស័យការពារជាតិកម្ពុជា-ជប៉ុនដែលកាន់តែល្អប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងជំនួបជាមួយទីប្រឹក្សាសន្តិសុខជាតិ និងជាអគ្គលេខាធិការ នៃអគ្គលេខាធិការដ្ឋានសន្តិសុខជាតិជប៉ុនលោក គីបា តាខេអូ (Akiba Takeo) នៅវិមានព្រឹទ្ធសភា ព្រឹកថ្ងៃសុក្រ ទី២០ ខែធ្នូ ឆ្នាំ២០២៤ សម្ដេចតេជោ ហ៊ុន សែន បានលើកឡើងថាប្រទេសជប៉ុនគឺជាដៃគូល្អដែលបានគិតគូរដល់ផលប្រយោជន៍របស់ប្រទេសនានាក្នុងតំបន់ព្រមទាំងគោរពនូវមជ្ឈភាពអាស៊ាន។

សម្តេចតេជោ បានលើកបន្តថា ទំនាក់ទំនងនៅក្នុងវិស័យការពារជាតិ ទាំងជើងទឹក និងជើងគោក រវាងកម្ពុជានិងជប៉ុនក៏មានភាពកាន់តែល្អប្រសើរឡើង ដែលទាំងអស់នេះបានឆ្លុះបញ្ចាំងអំពីភាពជាដៃគូយុទ្ធសាស្រ្តគ្រប់ជ្រុងជ្រោយរវាងប្រទេសទាំងពីរ ហើយកម្ពុជានឹងអនុញ្ញាតឱ្យនាវាជប៉ុនចូលចតនៅកំពង់ផែសមុទ្ររាមមុនគេក្រោយពេលកំពង់ផែទ័ពជើងទឹកនេះសាងសង់រួច។

គួរឱ្យដឹងដែរថាគម្រោងអភិវឌ្ឍន៍ផែសមុទ្ររាមចាប់ផ្ដើមនៅខែមិថុនា ឆ្នាំ២០២២ ក្រោមជំនួយឥតសំណងពីរដ្ឋាភិបាលចិន ដល់កងទ័ពជើងទឹកកម្ពុជា មានរៀបចំស្តារទីតាំងរបស់កងទ័ពជើងទឹកដែលមានស្រាប់ ឱ្យមានជំរុំបន្ទាយដែលមានអគារទីបញ្ជាការ, អគារបំពេញការងារគ្រប់ផ្នែកកសាង និងពង្រីកបន្ថែមមន្ទីរពេទ្យ ០១កន្លែង កសាងរោងជាងជួសជុលនាវា អ៊ូ (Drydock) និងរ៉ៃ (Slipway) កសាងផែសំចតចំនួន០២កន្លែង និងស្ដារឃ្លងមានស្រាប់៕