លោក សុះ ម៉ាច ទទួលបានបទចម្រៀងមរតកដើមជាង ៤០បទ ពីលោក ងួន វន្ថា

អតីតប្រធានសមាគមសិល្បករខ្មែរ និងតារាចម្រៀងជើងចាស់លោក សុះ ម៉ាច បានបង្ហាញអារម្មណ៍រំភើបក្រោយទទួលបានបទចម្រៀងមរតកដើមជាង ៤០បទ ពីលោក ងួន វន្ថា ហៅ ពៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុះ ម៉ាច បានរៀបរាប់ខ្លឹមសារដោយលើកឡើងថា ទទួលអំណោយបទចម្រៀងមរតកដើមជាង ៤០បទ ពីលោក ងួន វន្ថា ហៅពៅ ដែលបទទាំងនេះពុំមានឯកសារសំឡេងមានតែទំនុក និងណោតដែលខ្ញុំមិនអាចស្រាយបានភាគច្រើនជាបទរបស់លោកអ៊ុំ សុីន សុីសាមុត រីឯបទលោកឪពុកខ្ញុំនិងអ្នកចម្រៀងដទៃទៀតមានតិចតួចទេ។

តារាចម្រៀងលោក សុះ ម៉ាច បានបន្តទៀតថា “ណោតនេះតើលោកគ្រូសាស្តា្រចារ្យ និងបងប្អូនតន្ត្រីករសម្រាយបានទេ? ជួយពន្យល់ខ្ញុំផង ព្រោះខ្ញុំចង់ច្រៀងថតឡើងវិញទាំងអស់”។

សូមជម្រាបដែរថា តារាចម្រៀងជើងចាស់លោក សុះ ម៉ាច ថ្មីៗនេះ ក៏បានចេញមុខស្នើយ៉ាងទទូចចំពោះតារាចម្រៀងមួយចំនួនឱ្យបញ្ឈប់ការយកស្នាដៃបទចម្រៀងមរតកដើម មកកែទំនុកដើម្បីបម្រើផលប្រយោជន៍បុគ្គល។

ការលើកឡើងរបស់តារាចម្រៀងលោក សុះ ម៉ាច នេះ ដោយសង្កេតឃើញមួយរយ:ចុងក្រោយគឺមានអ្នកចម្រៀងស្រី-ប្រុស និងអ្នកនិពន្ធខ្មែរជំនាន់ក្រោយមួយចំនួនបានកំពុងជ្រើសរើសបទចម្រៀងមរតកដើមទៅច្រៀងឡើងវិញ ដោយកាឡៃសាច់ភ្លេង ឬទំនុកច្រៀងធ្វើឱ្យខូចទំនុកដើមនិងប៉ះពាល់ដល់កម្មសិទ្ធិបញ្ញា៕ អត្ថបទ៖ ចាន់រ៉ា