ខេម សន្យាដឹកនាំក្រុមបាល់ទាត់តារាកម្ពុជា ធ្វើឱ្យបានល្អ ខណៈថ្ងៃប្រកួតមិត្តភាពនឹងតារាបាល់ទាត់ថៃ ខិតជិតដល់

ខណ:ដែលជំនួបប្រកួតបាល់ទាត់រវាងក្រុម បាល់ទាត់តារាកម្ពុជានិងតារាបាល់ទាត់ថៃកៀកជិតថ្ងៃចូកមកដល់លោក ខេម ដែលជាប្រធានក្រុមក្នុងក្រុមបាល់ទាត់តារាកម្ពុជាបានដាក់ក្តីរំពឹងថាក្រុមរប ស់ខ្លួននឹងព្យាយាមធ្វើឲ្យបានល្អបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ ជំនួបនេះក៏នឹងធ្វើកក្រើកជាក់សម្រាប់ព្រឹត្តិការណ៍អន្តរជាតិដ៏ធំ ដែលនឹងរៀបចំឡើងនៅក្នុងអំឡុងខែមីនាឆ្នាំ២០២៥នេះ ក្រោមប្រធានបទ «កីឡាសតវត្សនៃព្រះធម៌» ដើម្បីអបអរខួបអនុស្សាវរីយ៍លើកទី ៧៥ នៃចំណងមិត្តភាពកម្ពុជា-ថៃ ដោយមានការចូលរួមប្រកួតពីក្រុមបាល់ទាត់តារាកម្ពុជា និងតារាបាល់ទាត់ថៃ។

តារាចម្រៀង ខេម បានអះអាងថា” ពួកយើងនិងត្រៀមខ្លួនឱ្យបានល្អបំផុតសម្រាប់ព្រឹត្តិការណ៍នេះ ជាមហាព្រឹត្តិការណ៍ដែលមិនធ្លាប់មានពីមុនមក អបអរសាទរខួបអនុស្សាវរីយ៍លេីកទី៧៥ នៃចំណងមិត្តភាព (កម្ពុជា-ថៃ) ។

ជាការពិតណាស់ព្រឹត្តិការណ៍នេះ គឺជាការប្រកួតលក្ខណៈអន្តរជាតិលើកដំបូងសម្រាប់ក្រុមបាល់ទាត់តារាកម្ពុជា និងក្រុមបាល់ទាត់តារាថៃ ដែលបានប៉ះគ្នានៅលើទឹកដីប្រទេសកម្ពុជានាថ្ងៃទី០៨ ខែមីនា ឆ្នាំ២០២៥ ខាងមុខនេះ។

ចំពោះការប្រកួតនេះដែរ នឹងធ្វើឡើងនៅពហុកីឡដ្ឋានជាតិអូឡាំពិកចាប់ពីម៉ោង ២រសៀល តទៅហើយបងប្អូនអាចចូលរួមទស្សនាដោយសេរីដែលមានពីរគូសម្រាប់បងប្អូនចូលរួមទស្សនាមានការប្រកួតចំនួន ២គូ ដោយគូទី១ រវាងគុនខ្មែរ និងប្រកួតនឹង Muaythai ។ ចំណែកគូរទី២ គឺតារាបាល់ទាត់កម្ពុជា ជួបប្រកួតនឹងតារាបាល់ទាត់ថៃ ៕ អត្ថបទ៖ ចាន់រ៉ា