ព័ត៌មានបន្ថែមពីករណីអគ្គិភ័យឆេះផ្សាររុងកឿ

ករណីអគ្គិភ័យដែលឆាបឆេះតូបលក់ដូររបស់អាជីវករខ្មែរ ថៃស្ថិតនៅចំណុចម្ដុំដើមពោធិ៍ហៅថាផ្សារថ្មី ខាងលិចអគារ​A ក្នុងផ្សាររុងកឿ ស្រុកអារញ្ញ ខេត្តស្រះកែវ ប្រទេសថៃ ដែឈៀងនឹងច្រកទ្វារអន្តរជាតិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

តាមប្រភពព័ត៌មានពីអាជីវិករខ្មែរដែលលក់ដូរនៅក្នុងផ្សាររុងកឿ បានឲ្យដឹងថា អគ្គិភ័យនេះចាប់ផ្ដើមឆាប់ឆេះចាប់តាំងពីម៉ោងប៉ុន្មានជាង១រំលងអធ្រាតចូលថ្ងៃទី២៦ ខែកុម្ភៈ ឆ្នាំ២០២៥។ ហេតុការណ៍នេះបណ្ដាលឲ្យឆេះតូបប្រមាណជា៤០តូប ដែលជាតូបលក់ដូរខោអាវជជុះ ទ្រនាប់ជើង កៅអីជាដើម ….។ល។

ជាមួយហេតុការណ៍ឆេះតូបអាជីវករនេះដែរ គេឃើញមានសមត្ថកិច្ចអាជ្ញាធរថៃបានចេញអន្តរាគមន៍ប្រើរថយន្តពន្លត់អគ្គិភ័យរហូតទៅដល់ម៉ោងជាង២ទើបអាចគ្រប់គ្រងស្ថានភាពនៃការឆេះរាលដាលនេះបាន។

សូមបញ្ជក់ថា ផ្សារុងកឿ គឺជាផ្សារមួយដែលស្ថិតនៅក្នុងទឹកដីនៃស្រុកអារញ្ញ ខេត្តស្រះកែវ ជាប់ប្រទេសកម្ពុជានៃក្រុងប៉ោយប៉ែត។ ផ្សារនេះសម្បូរទៅដោយអាជីវករខ្មែរដែលចេញចូលទៅលក់ដូរធ្វើអាជីវកម្មនៅទីនោះយ៉ាងច្រើន៕

អត្ថបទ៖ អ ពៅ