ព័ត៌មានអន្ដរជាតិ
EU នឹងបន្ថយការនាំចូលដែកថែប ១៥ ភាគរយ ជុំវិញពន្ធរបស់ ត្រាំ
មន្ត្រីជាន់ខ្ពស់សហភាពអឺរ៉ុប បានឱ្យដឹងកាលពីថ្ងៃពុធថា សហភាពអឺរ៉ុបនឹងរឹតបន្តឹងកូតាដែកថែបនាំចូល ដោយកាត់បន្ថយការនាំចូល ១៥ ភាគរយ បន្ថែមទៀតចាប់ពីខែមេសាតទៅ ក្នុងវិធានការទប់ស្កាត់ការជន់លិចទីផ្សារបស់ប្លុកនូវដែកថែបថោកៗ ក្រោយសហរដ្ឋអាមេរិកដាក់ពន្ធលើដែកថែបពីគ្រប់ប្រទេសទូទាំងពិភពលោក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
អនុប្រធានប្រតិបត្តិគណៈកម្មាធិការអឺរ៉ុប លោក Stephane Sejourne បានប្រាប់រ៉យទ័រថា៖ «ក្នុងអំឡុងពេលដែលគ្មាននរណាម្នាក់គោរពច្បាប់របស់ WTO (អង្គការពាណិជ្ជកម្មពិភពលោក) ហើយគ្រប់ប្រទេសនិយមសន្តិសុខជាតិ សហភាពអឺរ៉ុបមិនអាចអនុញ្ញាតឱ្យឧស្សាហកម្មរបស់ខ្លួនដួលរលំ តែឯងនោះទេ»។
លោក Sejourne បានលើកឡើងថា ពន្ធ ២៥ ភាគរយ លើដែកថែបនាំចូលរបស់ប្រធានាធិបតីអាមេរិក លោក ដូណាល់ ត្រាំ នឹងធ្វើឱ្យប្រទេសផ្គត់ផ្គង់ផ្សេងៗកាណាដា ឥណ្ឌា និងចិន ងាកទៅរកទីផ្សារជំនួសផ្សេងៗ រួមទាំងអឺរ៉ុប។
មន្រ្តីដែលទទួលបន្ទុកលើការកំណត់យុទ្ធសាស្ត្រឧស្សាហកម្មរបស់ប្លុករូបនេះ បាននិយាយថា វិធានការទី ១ គឺកាត់បន្ថយកូតានាំចូលប្រហែល ១៥ ភាគរយ ចាប់ពីថ្ងៃទី ១ ខែមេសា។ បរិមាណដែកថែបនាំចូលក្នុងកូតា នឹងមិនជាប់ពន្ធនោះទេ ប៉ុន្តែការនាំចូលលើសពីកូតា នឹងទទួលរងនូវការដាក់ពន្ធ២៥ ភាគរយ។
គួរគូសបញ្ជាក់ថា ក្រុមហ៊ុនផលិតដែកថែបនៅអឺរ៉ុប ដែលកំពុងប្រឈមមុខនឹងការចំណាយខ្ពស់ និងការប្រកួតប្រជែងខ្លាំងពីអាស៊ីរួចហើយនោះ បានព្រមានថា សហភាពអឺរ៉ុបអាចក្លាយជាកន្លែងលក់បង្ខូចតម្លៃសម្រាប់ដែកថែបដែលងាកចេញពីសហរដ្ឋអាមេរិក ដែលនេះ អាចគំរាមកំហែងផលិតកម្មដែកថែបរបស់អឺរ៉ុប។
កាលពីឆ្នាំ ២០២៤ សហភាពអឺរ៉ុបបាននាំចូលដែកថែបប្រហែល ៦០ លានតោន ដែលក្នុងនោះមាន ៣០ លានតោន ស្ថិតនៅក្នុងកូតាមិនជាប់ពន្ធ៕
-
សន្តិសុខសង្គម២៣ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៦ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ៦ ថ្ងៃ agoបាក់ច្រាំងទន្លេនៅសង្កាត់ច្បារអំពៅទី ២ នាំទាំងប្រព័ន្ធលូបង្ហូរទឹកទៅជាមួយ