ព័ត៌មានជាតិ

ធ្វើអាជ្ញាកណ្ដាលផង បង្ហាត់គេទៀត លោក ឃឹម សុជាតិ រកចំណូលបានប៉ុន្មានក្នុងមួយខែ…

បានផុស

១ year មុន

នៅ

ថ្ងៃពុធ ២ មេសា ២០២៥

ដោយ

លោក ឃឹម សុជាតិ ឬត្រូវបានគេស្គាល់ថាជាអាជ្ញាកណ្ដាលឆ្នើមហើយបច្ចុប្បន្ននេះមិនត្រឹមជាមន្ត្រីរបស់សហព័ន្ធប្រដាល់គុនខ្មែរនោះទេលោកក៏ជាគ្រូបង្វឹកមួយរូបដែរ ខណៈនិយាយពីចំណូលវិញអាចទទួលបានប្រហែលចន្លោះ៣លានរៀលក្នុងមួយខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃឹម សុជាតិ កំពុងបង្ហាត់សិស្ស

លើកឡើងក្នុងកិច្ចសម្ភាសលោក ឃឹម សុជាតិ ឲ្យដឹងថា ពីមួយសប្ដាហ៍ទៅមួយសប្ដាហ៍រវល់ការងារច្រើនទាំងការងារជាចៅក្រម-អាជ្ញាកណ្ដាលផង និងការងារបង្ហាត់សិស្សនៅក្លឹបគុនខ្មែរដូនតាដែលមានសិស្សគុនប្រមាណ ៤០នាក់។

ឆ្លើយតប និងសំនួរថា «រវល់ខ្លាំងបែបនេះលោកគ្រូទទួលបានប្រាក់ចំណូលប៉ុន្មានដែរក្នុងមួយខែ»? អាជ្ញាកណ្ដាលឆ្នើមរូបនេះថា ការងារជាមន្ត្រីសហព័ន្ធក្នុងមួយសប្ដាហ៍លោកធ្វើចន្លោះ ៣-៤កម្មវិធីតាមបណ្ដាស្ថានីយទូរទស្សន៍ ឬខេត្តផ្សេងៗ។

លោក ឃឹម សុជាតិ កំពុងបង្ហាត់សិស្ស

ចំណែកការងារជាគ្រូបង្វឹកនៅក្លឹបប្រដាល់គុនខ្មែរដូនតាវិញបង្ហាត់ចន្លោះ ៤-៥ថ្ងៃ ប៉ុន្តែមានគ្រូជំនួយ២-៣នាក់ទៀតនៅចាំជួយបង្ហាត់ជាប់ដោយទទួលផែនការពីលោក។ ដូច្នេះសរុបខ្ទង់មួយខែបូកថវិកាជាអាជ្ញាកណ្ដាល-ចៅក្រម រួមនិងការបង្ហាត់ទទួលបានចន្លោះ៣លានរៀលក្នុងមួយខែ។ ដោយមានការស្រឡាញ់ចូលចិត្តច្រើនពីអ្នកគាំទ្រនៅពេលចុះបំពេញការងារជាអាជ្ញាកណ្ដាលតាមបណ្ដាខេត្តតែងតែមានគេឧបត្ថម្ភច្រើន។

លោក ឃឹម សុជាតិ

បញ្ជាក់ដែរថា លោក ឃឹម សុជាតិ ជាចៅក្រម-អាជ្ញាកណ្ដាល ល្បីឈ្មោះមួយរូបនៅកម្ពុជា និងជាគ្រូបង្វឹកនៅក្លឹបគុនខ្មែរដូនតាមផងដែរ។ បច្ចុប្បន្ននេះរាល់ការប្រកួតគូសំខាន់ៗគេឃើញតែមានរូបលោកឡើងចាប់ស្ទើរគ្រប់កម្មវិធី។ សិស្សដែលលោកកំពុងបង្ហាត់នៅទីនោះមានដូចជា ចំរើន គុនខ្មែរ សាន់ គុនខ្មែរ សម្ភស្ស គុនខ្មែរ រស្មី គុនខ្មែរ ភក្ដី គុនខ្មែរ និងកីឡាករជាច្រើនរូបទៀត៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ