កីឡា

លោក ផាត សូដា ប្រាប់ខ្ទង់ចំណាយមួយខែៗរបស់ក្លឹបគុនខ្មែរស៊ុបពើហ្វៃមានសិស្សខ្ទង់៥០នាក់

បានផុស

១ year មុន

នៅ

ថ្ងៃព្រហស្បតិ៍ ២៤ មេសា ២០២៥

ដោយ

ម្ចាស់ក្លឹប និងជាគ្រូប្រដាល់ប្រចាំក្លឹបគុនខ្មែរស៊ុបពើហ្វៃ លោក ផាត សូដា បច្ចុប្បន្នមានសិស្សគុនខ្ទង់ ៥០នាក់ហើយចំពោះការចំណាយទាំងជួលក្លឹប ទឹក ភ្លើង និងការហូបចុករបស់សិស្សអស់ប្រហែលជិត ២,០០០ដុល្លារក្នុងមួយខែៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកលោក ផាត សូដា

លោក ផាត សូដា បានឲ្យដឹងថា សិស្សគុនសរុបមានប្រហែល ៥០នាក់ ប៉ុន្តែមួយចំនួនហ្វឹកហាត់ចប់វិលត្រឡប់ទៅសម្រាកនៅផ្ទះរបស់គេវិញ។ សិស្សច្រើនការចំណាយក៏ច្រើនដូចគ្នាពិសេសនោះការផ្គត់ផ្គង់លើការហូបចុកនេះតែម្ដង។ ការហូបចុកគឺមានគ្រប់គ្រាន់មិនមានការខ្វះខាតទេ ពោលបន្លែ ត្រី សាច់ គឺលោកទិញបម្រុងទុកជាប្រចាំមិនឲ្យដាច់នោះឡើយដើម្បីឲ្យសិស្សបានញុំមានកម្លាំងហ្វឹកហាត់ ឬចេញប្រកួត។

រូបភាពហ្វេសបុកលោក ផាត សូដា

បើនិយាយពីការចំណាយវិញថ្លៃជួលដីធ្វើក្លឹបនេះមិនច្រើនទេត្រឹមមួយខែ ១០០ដុល្លារប៉ុណ្ណោះ ចំណែកទឹកភ្លើងក៏មិនជាច្រើនណាស់ណាដែរ ប៉ុន្តែការចំណាយច្រើននោះគឺលើថ្លៃម្ហូបអាហារសិស្សតែម្ដង។ គិតតែម្ហូបអាហារនេះមួយខែចំណាយជាង ១,០០០ដុល្លារឯណោះ។ យ៉ាងណាការចំណាយសរុបនេះក៏មិនចោទជាបញ្ហាចំពោះលោកផងដែរ ព្រោះក្លឹបមានការឧបត្ថម្ភថវិកាមួយចំនួនពី Sponsor និងមួយផ្នែកទៀតបានពីសិស្សចេញប្រកួតមួយសប្ដាហ៍ៗគួរសមដែរ ដូច្នេះអាចទប់ទល់ៗបាន។

រូបភាពហ្វេសបុកលោក ផាត សូដា

បញ្ជាក់ដែរថា លោក ផាត សូដា ជាអតីតអ្នកប្រដាល់គុនខ្មែរ និងមានកេរ្តិ៍ឈ្មោះគួរសមផងដែរលើវិស័យកីឡាមួយនេះ។ បច្ចុប្បន្នលោកបានបង្កើតក្លឹបប្រដាល់មួយឈ្មោះ គុនខ្មែរស៊ុបពើហ្វែ ដែលមានទីតាំងនៅភូមិថ្នល់បន្ទាយ សង្កាត់ពន្សាំង ខណ្ឌព្រែកព្រៅ រាជធានីភ្នំពេញ។ លោកនេះហើយជាគ្រូបង្វឹករបស់ សូដា សូសែន សូដា នឹមណូ រិទ្ធី បូរិន រិទ្ធី គីងកុង និងកីឡាករថ្នាលល្បីឈ្មោះជាច្រើនទៀត៕