កីឡា

ព្រះខ័នរាជស្វាយរៀង នឹងទទួលពានលីគ ជាផ្លូវការ នៅថ្ងៃអាទិត្យនេះ

បានផុស

១ year មុន

នៅ

ថ្ងៃសុក្រ ១៦ ឧសភា ២០២៥

ដោយ

ព្រឹត្តិការណ៍ប្រកួតបាល់ទាត់លីគកំពូលកម្ពុជារដូវកាល២០២៤-២៥ នឹងបញ្ចប់នៅថ្ងៃអាទិត្យ ទី១៨ ខែឧសភា ឆ្នាំ២០២៥ ដែលជាពេលវេលានៃការប្រកួតចុងក្រោយ និងពិធីប្រគល់ពានរង្វាន់ មេដាយដល់ម្ចាស់ជើងឯកតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបព្រះខ័នរាជស្វាយរៀង នឹងបើកទ្វារកីឡដ្ឋានខេត្តស្វាយរៀង ទទួលក្រុមចំណាត់ថ្នាក់លេខ២ ភ្នំពេញក្រោន វេលាម៉ោង៦ល្ងាច ថ្ងៃអាទិត្យ ទី១៨ ខែឧសភា ឆ្នាំ២០២៥ សម្រាប់ការប្រកួតបិទបញ្ចប់រដូវកាល។ បន្ទាប់ពីបញ្ចប់ការប្រកួត ពិធីប្រគល់ពានរង្វាន់ និងមេដាយជាផ្លូវការ ដល់ក្រុមជើងឯក ព្រះខ័នរាជស្វាយរៀង នឹងធ្វើនៅយប់ថ្ងៃអាទិត្យនេះតែម្តង។

ទោះបីជាយ៉ាងណា ពានរង្វាន់ឯកត្តជនផ្សេងៗ ទំនងជាមិនបានធ្វើនៅថ្ងៃជាមួយគ្នានេះទេ ពីព្រោះគណៈកម្មការរៀបចំការប្រកួតបានរៀបចំកម្មវិធីមួយទៀតដែលនឹងអញ្ជើញអ្នកពាក់ព័ន្ធ ជ័យលាភី និងអ្នកសារព័ត៌មានដើម្បីចូលរួមក្នុងថ្ងៃផ្សេងទៀត។

ព្រះខ័នរាជស្វាយរៀង និង ភ្នំពេញក្រោន ត្រូវប្រកួតគ្នាបិទបញ្ចប់រដូវកាលលីគកំពូលកម្ពុជា ហើយត្រូវប៉ះគ្នាម្តងទៀតវគ្គផ្តាច់ព្រ័ត្រ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៨ នាថ្ងៃទី២៥ ខែឧសភា ឆ្នាំ២០២៥ នៅពហុកីឡដ្ឋានជាតិមរតកតេជោ។