ព័ត៌មានអន្ដរជាតិ

អតីតឧបនាយករដ្ឋមន្ត្រីថៃ ប្រាវីត វង្សសុវណ្ណ រអិលជើងធ្លាក់ពីកាំជណ្តើរនៅក្នុងវត្ត

បានផុស

២ ខែ មុន

នៅ

ថ្ងៃអង្គារ ២០ ឧសភា ២០២៥

ដោយ

អតីតឧបនាយករដ្ឋមន្ត្រីថៃ លោកឧត្តមសេនីយ៍ ប្រាវីត វង្សសុវណ្ណ (Prawit Wongsuwan) បានជួបគ្រោះថ្នាក់រអិលជើងធ្លាក់ពីលើកាំជណ្ដើរនៅវត្តក្នុងពេលចូលរួមកម្មវិធីតាមបែបព្រះពុទ្ធសាសនា បណ្តាលឱ្យរងរបួស និង ត្រូវបានបញ្ជូនទៅកាន់មន្ទីរពេទ្យភ្លាមៗ។ នេះបើយោងតាមសារព័ត៌មាន khaosod ដែលចេញផ្សាយនៅថ្ងៃទី១៩ខែឧសភា ២០២៥។

អតីតឧបនាយករដ្ឋមន្ត្រីថៃ លោកឧត្តមសេនីយ៍ ប្រាវីត វង្សសុវណ្ណ (Prawit Wongsuwan) ក្នុងកម្មវិធីសាសនា មុនពេលរអិលជើងធ្លាក់ពីជណ្តើរ។ Khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ ប្រាវីត វង្សសុវណ្ណ អតីតឧបនាយករដ្ឋមន្ត្រីថៃដ៏មានឥទ្ធពលម្នាក់ ដែលបម្រើការក្នុងសម័យដឹកនាំនៃរដ្ឋាភិបាល របស់លោក ប្រាយុធ ចាន់អូចា និងដែលបានក្លាយជាមេដឹកនាំនៃបក្សប្រឆាំងក្នុងរដ្ឋាភិបាលរបស់លោកស្រី ផែថងថាន ស៊ីណាវ៉ាត្រ បានជួបឧបទ្ទវហេតុគ្រោះថ្នាក់រអិលជើងធ្លាក់ពីលើកាំជណ្ដើរនៅវត្តមួយ ដែលលោកបានចូលរួមធ្វើជាអធិបតីភាពក្មុងវត្តព្រះពុទ្ធសាសនាមួយ។

តាមសេចក្តីរាយការណ៍ ក្រោយរអិលជើងជួបគ្រោះថ្នាក់ លោកឧត្តមសេនីយ៍ ប្រាវីត វង្សសុវណ្ណ អតីតឧបនាយករដ្ឋមន្ត្រីនិងជាមេដឹកនាំគណបក្សផាឡាំងប្រាឆារ៉ាត់ (បក្សកម្លាំងរាស្ត្រ) ដែលជាបក្សប្រឆាំង បានអញ្ជើញជាអធិបតីក្នុងពិធីសូត្រមន្តថ្វាយព្រះពរដល់ព្រះមហាក្សត្រនៅវត្ត ព្រះចេតពុនវិមុនមង្គលរាម (Chetuphon Wimonmangklaram) ហៅវត្តពោធិ ស្ថិតក្នុងទីក្រុងបាងកក។

សេចក្តីរាយការណ៍នោះ បានលើកឡើងថា បន្ទាប់ពីប្រារព្ធពិធីចប់នៅវេលាម៉ោងប្រហែល៧យប់ស្រាប់តែមានដំណឹងថា លោកឧត្តមសេនីយ៍ ប្រាវីត វង្សសុវណ្ណ បានជួបឧបទ្ទវហេតុរអិលជើងធ្លាក់ពីលើកាំជណ្តើរវត្តខាងលើ បណ្តាលឱ្យរងរបួសត្រូវបានបញ្ជូនទៅកាន់មន្ទីរពេទ្យភ្លាមៗ។

គួររំលឹកថា លោកឧត្តមសេនីយ៍ ប្រាវីត វង្សសុវណ្ណ បច្ចុប្បន្នមានវ័យ៧៩ឆ្នាំ គឺជាមន្ត្រីជាន់ខ្ពស់និងជាបុគ្គលដ៏មានឥទ្ធិពលម្នាក់ក្នុងជួរកងទ័ពថៃ ហើយលោកជាអតីតឧបនាយករដ្ឋមន្ត្រីមកច្រើនអាណត្តិ ពោលគឺក្នុងអាណត្តិរដ្ឋាភិបាលរបស់លោក អាភិសិទ្ធ វេចាចីវ៉ាក់ និងក្នុងអាណត្តិរដ្ឋាភិបាលរបស់លោកឧត្តមសេនីយ៍ ប្រាយុទ្ធ ចាន់អូចា៕

ដោយ ភ្នាក់ងារ