សន្តិសុខសង្គម

នគរបាលខណ្ឌសែនសុខ អញ្ជើញបុរសឈ្មោះ សុវណ្ណ ពិសិដ្ឋ មកបំភ្លឺករណីថា សមត្ថកិច្ចប្រើអំពើហិង្សា

បានផុស

២ ខែ មុន

នៅ

ថ្ងៃអង្គារ ២០ ឧសភា ២០២៥

ដោយ

ភ្នំពេញ ៖ នៅព្រឹកថ្ងៃទី២០ ខែឧសភា ឆ្នាំ២០២៥ អធិការដ្ឋាននគរបាលខណ្ឌសែនសុខ បានអញ្ជើញបុរសឈ្មោះ សុវណ្ណ ពិសិដ្ឋ ដែលបានសម្ភាសន៍ជាមួយសារព័ត៌មាន ដោយចោទទៅលើសមត្ថកិច្ចនគរបាលខណ្ឌសែនសុខ បានប្រើអំពើហិង្សាលើខ្លួន នៅចំណុចខាងមុខវត្តវង្គតបូរី ស្ថិតនៅភូមិបូរីកម្មករ សង្កាត់ទឹកថ្លា ខណ្ឌសែនសុខ កាលពីយប់ថ្ងៃទី១៩ ខែឧសភា ឆ្នាំ២០២៥ មកអធិការដ្ឋាននគរបាលខណ្ឌសែនសុខ ដើម្បីបំភ្លឺសួរនាំជុំវិញករណីខាងលើខណៈមន្រ្តីនគរបាលដែលរងការចោទប្រកាន់ក៏មានវត្តមានដើម្បីធ្វើការបំភ្លឺផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីសួរនាំរួច សមត្ថកិច្ចពិនិត្យណែនាំពីកិច្ចការងាររបស់កងកម្លាំងសមត្ថកិច្ច ដែលធ្វើការល្បាតត្រួតពិនិត្យដើម្បីការពារសន្តិសុខនិងបង្ការទប់ស្កាត់បទល្មើសគ្រប់ប្រភេទក្នុងមូលដ្ឋាន ហើយអ្វីដែលសមត្ថកិច្ចកំពុងបំពេញភារកិច្ចមានការសង្ស័យ គឺសមត្ថកិច្ចត្រូវតែត្រួតពិនិត្យសួរនាំ អនុវត្តតាមវិជ្ជាជីវៈរបស់កងនគរបាលជាតិត្រឹមត្រូវ។

បន្ទាប់មកភាគីបុរសខាងលើ និងសមត្ថកិច្ចដែលរងការចោទប្រកាន់ ក៏បានយល់គ្នាហើយបានសម្របសម្រួលដោះស្រាយ ព្រោះករណីនេះជាការយល់ច្រឡំប៉ុណ្ណោះ៕

ដោយ ៖ សុខា