ព័ត៌មានជាតិ

ប្រតិបត្តិករទេសចរណ៏ខេត្តសៀមរាប ចង់ឲ្យគម្រោងសាងសង់ពង្រីកផ្លូវពីព្រលានសៀមរាបមកក្រុងសៀមបើកការដ្ឋានឲ្យបានឆាប់

បានផុស

៦ ថ្ងៃ មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

ប្រតិបត្តិករទេសចរណ៏នៅខេត្តសៀមរាប ចង់ឲ្យគម្រោងសាងសង់ពង្រីកផ្លូវពីព្រលានយន្តហោះខេត្តសៀមរាបមកក្រុងសៀមរាបឈានទៅបើកការដ្ឋានឲ្យបានឆាប់ ដើម្បីតភ្ជាប់ការធ្វើដំណើរឲ្យកាន់តែប្រសើរឡើង និងអាចកាត់បន្ថយថ្លៃដឹកជញ្ជូន។

លោក ហ្វីលីប កៅ ប្រធានក្លិបទេសចរណ៍ក្នុងខេត្តសៀមរាបបានគូសបញ្ជាក់ថា រដ្ឋាភិបាលបានសិក្សាសាងសង់ផ្លូវរថភ្លើងធុនស្រាល រួមទាំងគម្រោងពង្រីកផ្លូវជាតិលេខ៦ តភ្ជាប់ពីព្រលានយន្តហោះថ្មីមកក្រុងសៀមរាបដែលមានចម្ងាយជាង ២០ គីឡូម៉ែត្រ។

លោកថា កំណាត់ផ្លូវដែលគ្រោងពង្រីកនេះមានសារសំខាន់ណាស់ សម្រាប់លំហូរភ្ញៀវទេសចរធ្វើដំណើរឆ្លងកាត់។ ដោយមើលឃើញពីផលចំណេញផ្លូវដ៏មានសក្តានុពលនេះ លោកជំរុញឲ្យរដ្ឋាភិបាលពន្លឿនឈានទៅបើកការដ្ឋានឲ្យបានឆាប់ ដែលលោកមើលឃើញថាបើសិនផ្លូវតភ្ជាប់នេះសាងសង់រួចរាល់ នឹងសម្រួលដល់ការធ្វើដំណើររបស់ភ្ញៀវទេសចរ រួមទាំងនឹងអាចកាត់បន្ថយថ្លៃដឹកជញ្ជូនបានមួយចំណែកផងដែរ៕