ព័ត៌មានអន្ដរជាតិ
សង្ស័យធ្លាប់ត្រូវគេធ្វើបាប អតីតសិស្សម្នាក់បាញ់សម្លាប់មនុស្ស១០នាក់នៅអនុវិទ្យាល័យប្រទេសអូទ្រីស
អតីតសិស្សអាយុ២១ឆ្នាំម្នាក់ បានបើកការបាញ់ប្រហារនៅអនុវិទ្យាល័យមួយកន្លែងក្នុងទីក្រុង Graz នៃប្រទេសអូទ្រីស កាលពីថ្ងៃអង្គារទី១០ខែមិថុនាឆ្នាំ២០២៥ ដោយបានសម្លាប់មនុស្ស១០នាក់មុនពេលជនបង្កបានបាញ់សម្លាប់ខ្លួនឯងតាមពីក្រោយ។
យ៉ាងហោចណាស់ មនុស្សរាប់សិបនាក់ផ្សេងទៀត បានរងរបួសនៅក្នុងអ្វីដែលក្រុមមន្ត្រីបានហៅថាជាការបាញ់ប្រហារនៅសាលារៀនដ៏សាហាវបំផុតក្នុងប្រវត្តិសាស្ត្ររបស់ប្រទេសអូទ្រីស។
ឧបទ្ទវហេតុនេះ បានកើតឡើងនៅ BORG Dreierschützengasse ដែលជាអនុវិទ្យាល័យមួយមានទីតាំងនៅជិតស្ថានីយ៍រថភ្លើងសំខាន់របស់ទីក្រុង Graz។ ភ្នាក់ងារសង្គ្រោះបន្ទាន់ បានទទួលរបាយការណ៍ដំបូងនៃការផ្ទុះអាវុធនៅម៉ោងប្រហែល ១០ព្រឹក(ម៉ោងក្នុងស្រុក) ហើយអង្គភាពប៉ូលិសបានមកដល់កន្លែងកើតហេតុក្នុងរយៈពេលប៉ុន្មាននាទីបន្ទាប់មក ដោយមានក្រុមបច្ចេកទេសនិងគ្រូពេទ្យជាង ១៦០នាក់។
ខ្មាន់កាំភ្លើងត្រូវគេដឹងថាមានឈ្មោះ Artur A. បានចូលទៅក្នុងសាលារៀនប្រដាប់ដោយកាំភ្លើងខ្លីចំនួន២ដើម។ ជនបង្ករូបនេះត្រូវបានគេរាយការណ៍ថាបានបាញ់កាំភ្លើងជាច្រើនគ្រាប់សំដៅទៅថ្នាក់រៀនជាច្រើនបន្ទប់ និងផ្លូវដើរ មុនពេលដែលរត់ចូលក្នុងបន្ទប់ទឹកដែលជាកន្លែងជនបង្កបានបាញ់សម្លាប់ខ្លួនឯង។
អាជ្ញាធរបានបញ្ជាក់ថា សិស្ស៨នាក់ និងបុគ្គលិក២នាក់ត្រូវបានសម្លាប់។ អ្នកខ្លះទៀតរងរបួសខ្លះធ្ងន់ធ្ងរ។ សិស្សជាង ៣០០នាក់ត្រូវបានជម្លៀសចេញ ហើយក្រោយមកបានផ្តល់ការគាំទ្រផ្នែកចិត្តសាស្រ្ត។
អ្នកស៊ើបអង្កេត បានរកឃើញសំបុត្រធ្វើអត្តឃាត និងវីដេអូមួយនៅឯគេហដ្ឋានរបស់ជនសង្ស័យ។ ក្នុងខ្សែវីដេអូ អតីតសិស្សរូបនេះបានលើកឡើងពីការដែលត្រូវគេធ្វើបាប និងការរងភាពអយុត្តិធម៌ ដែលទំនងជាដើមទងនៃការបង្កហេតុ។ ប៉ូលិសក៏បានរកឃើញគ្រាប់បែកបំពង់អសកម្មមួយគ្រាប់ ក្នុងអំឡុងពេលឆែកឆេរផ្ទះរបស់ជនសង្ស័យផងដែរ។
អធិការបតីអូទ្រីស លោក Christian Stocker បានប្រកាសកាន់ទុក្ខថ្នាក់ជាតិរយៈពេល៣ថ្ងៃ ហើយបានបញ្ជាឲ្យបង្ហូតទង់ជាតិត្រឹមពាក់កណ្តាល។ គាត់បាននិយាយនៅក្នុងសេចក្តីថ្លែងការណ៍មួយថា «នេះគឺជាថ្ងៃដ៏ខ្មៅងងឹតសម្រាប់ប្រទេសអូទ្រីស។ យើងសូមចូលរួមរំលែកទុក្ខជាមួយជនរងគ្រោះ និងក្រុមគ្រួសាររបស់ពួកគេ»៕
ដោយ៖ ឈាង
រុស្ស៊ី និងអ៊ុយក្រែន យល់ព្រមដោះដូរអ្នកទោសបន្ថែម ប៉ុន្តែគ្មានកិច្ចចរចាបទឈប់បាញ់នោះទេ
ចូលពេទ្យ ៥ថ្ងៃ តែអាការ:នាយ តាក់ស៊ី នៅមិនទាន់ធូរស្បើយដូចដើមវិញទេ
អ្នកជំនាញប្រាប់វិធីរស់បានយូរ ក្រោយសិក្សារយៈពេល ២០ ឆ្នាំ
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
ប្រាក់បាត និងផ្សារហ៊ុនថៃធ្លាក់ចុះ ដោយសារជម្លោះឈ្លានពានកម្ពុជា
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃជាអ្នកបង្កហេតុ
ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ
ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន
ដើម្បីតែមហិច្ឆតាចង់បានទឹកដីខ្មែរ កងទ័ពថៃហ៊ានឈ្លានពានបើកការបាញ់មុន មិនខ្វល់ទុក្ខលំបាកប្រជាជនខ្លួន
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ