លោក ហែម សុវត្ថិ ដឹកនាំគណៈប្រតិភូ ចុះសួរសុខទុក្ខ នាំយកគ្រឿងឧបភោគបរិភោគនិងថវិកា​ជូនកងកម្លាំង នៅខេត្តព្រះវិហារ

ព្រះវិហារ ៖ នារសៀល ថ្ងៃចន្ទ ទី០៩ ខែមិថុនា ឆ្នាំ២០២៥ លោក ហែម សុវត្ថិ ប្រធានយុវជនគណបក្សប្រជាជនទទួលបន្ទុកតំបន់ Troyes និង Centre-Val-de-Loire ប្រទេសបារាំង បានដឹកនាំគណៈប្រតិភូ ចុះសួរសុខទុក្ខកងកម្លាំងប្រចាំការ នៅទីបញ្ជាការកង ពលធំអន្តរាគមន៍លេខ៣ ដោយទទួលស្វាគមន៍ពីសំណាក់ លោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក អមដោយ ឯកឧត្ដមឧត្តមសេនីយ៍ឯក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវ ចារកិច្ច ក្រសួងការពារជាតិ និងជាមេបញ្ជាការរងកងទ័ពជើងគោក ព្រមទាំង លោកឧត្តមសេនីយ៍ឯក ស្រី ឌឹក មេបញ្ជាការកងពលធំអន្តរាគម៍លេខ៣ និងបាននាំយកគ្រឿង ឧបភោគ-បរិភោគ និងគ្រឿងបរិក្ខារចាំបាច់ និងថវិកា មួយចំនួនធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃដដែលនេះដែរ លោក ហែម សុវត្ថិ ក៏បានជួបសំណេះសំណាល សួរសុខទុក្ខកងកម្លាំង នគរបាលការពារព្រំដែន នៅគណៈបញ្ជាការនគរបាលជាតិការពារព្រំដែនប្រចាំទិសភូមិភាគទី៤ ដោយបាននាំយកគ្រឿងឧបភោគ-បរិភោគ និងគ្រឿងបរិក្ខារចាំបាច់ និងថវិការមួយចំនួនធំ ដែលជាការរួមចំណែករបស់សប្បុរសជន និងក្រុមការងារ ជូនដល់កងកម្លាំង៕