KPT+

ក្បួនមាសទាំង ៦ ដែលសហគ្រិនស្ត្រីអាចរៀនសូត្រពីស្ថាបនិក yanghee paik

បានផុស

៥ years មុន

នៅ

ថ្ងៃពុធ ១១ វិច្ឆិកា ២០២០

ដោយ

Yanghee Paik ជាសហស្ថាបនិកនិងជានាយកប្រតិបត្តិរបស់ Rael។ Rael ត្រូវបានបង្កើតឡើងដោយសហស្ថាបនិកស្រី ៣ នាក់គឺ Aness An អ្នកកាសែតនិងជាអ្នកនិពន្ធដែលលក់ដាច់បំផុត Binna Won ជាស្ថាបត្យករនៃសិល្បៈ និង Yanghee Paik អតីតអ្នកចែកចាយភាពយន្តនៅស្ទូឌីយោ Walt Disney នៅ Harvard MBA ។

ដោយសារកង្វះផលិតផលថែរក្សាសុខភាពស្ត្រីមានសុខភាពល្អនៅលើទីផ្សារ អ្នកទាំងបីបានបង្កើតដំណោះស្រាយផ្ទាល់ខ្លួន ពោលគឺផលិតផលធម្មជាតិនិងសុវត្ថិភាព។

សព្វថ្ងៃ Rael មានទីតាំងនៅតំបន់ Orange រដ្ឋកាលីហ្វ័រញ៉ា ក៏ដូចជាប្រទេសកូរ៉េខាងត្បូង និងបានដាក់ឲ្យដំណើរការនៅឆ្នាំ ២០១៧។

១. នៅពេលខ្ញុំមិនធ្វើការលើអាជីវកម្ម ខ្ញុំបំបាត់ភាពតានតឹងដោយច្រៀងនិងមើលរឿងភាគកូរ៉េនៅលើអ៊ិនធរណិត។ ខ្ញុំជាអ្នកចម្រៀងនៃក្រុមតន្ត្រីរ៉ក អតីតនិស្សិតនៅមហាវិទ្យាល័យនៅ LA ទោះបីជាពិបាករកពេលវេលាដើម្បីហាត់ក៏ដោយ ការច្រៀងបានជួយខ្ញុំឲ្យធូរស្បើយពីស្ត្រេសនិងសម្អាតខួរក្បាលខ្ញុំបានពីរបីម៉ោងក្នុងមួយសប្ដាហ៍ ព្រោះខ្ញុំអាចផ្ដោតអារម្មណ៍អ្វីផ្សេងទៀតក្រៅពី Rael បាន។

២. នៅពេលខ្ញុំត្រូវការការបំផុសគំនិត ខ្ញុំតែងដើរជុំវិញសង្កាត់របស់ខ្ញុំ ហើយទៅសួនឧទ្យានក្បែរនោះ ដើម្បីមើលថ្ងៃលិច។

៣. សៀវភៅដែលខ្ញុំស្រឡាញ់ជាងគេគឺ Shoe Dog ដោយលោក Phil Knight ស្ថាបនិកក្រុមហ៊ុន Nike ។ ខ្ញុំបានអានសៀវភៅនេះនៅពេលដែលខ្ញុំកំពុងជជែកវែកញែក អំពីការចូលរួមសហស្ថាបនិករបស់ខ្ញុំ ដើម្បីចាប់ផ្ដើម Rael ។ ខណៈពេលដែលខ្ញុំមានជំនឿលើគំនិតអាជីវកម្ម ខ្ញុំក៏បានចំណាយពេលមួយរយៈដើម្បីសម្រេចចិត្តចាកចេញពីការងារពេញម៉ោងរបស់ខ្ញុំ ហើយប្រឈមនឹងហានិភ័យធំបំផុតក្នុងជីវិត។

ក្នុងកំលុងពេលនេះសៀវភៅមួយក្បាលនោះ បានបើកភ្នែករបស់ខ្ញុំទៅកាន់ពិភពនៃភាពជាសហគ្រិន ដែលគួរឲ្យរំភើបនិងខ្លាំងក្លា រួមទាំងការរីកចម្រើនដែលសហគ្រិនអាចជួបប្រទះក្នុងដំណើរនេះ។

៤. ខ្ញុំធ្វើការដើម្បីកែលម្អខ្លួនខ្ញុំដោយស្ដាប់ podcast ដែលខ្ញុំចូលចិត្ត របៀបដែលខ្ញុំកសាងទំនុកចិត្តជាដើម។ នៅក្នុងបរិយាកាសដែលទើបតែចាប់ផ្ដើម វាពិតជាពិបាកទាយអំពីអនាគតនិងបញ្ហាប្រឈមថ្មីៗ ដែលយើងនឹងត្រូវប្រឈមមុខ។

ការរៀនសូត្រពីសហគ្រិនជោគជ័យដែលបានដោះស្រាយបញ្ហាជាច្រើនប្រភេទផ្សេងៗគ្នា ក្នុងពេលនាំក្រុមហ៊ុន ទៅកម្រិតបន្ទាប់ បានជួយខ្ញុំច្រើនក្នុងការដោះស្រាយបញ្ហា ដូចជានាយកប្រតិបត្តិនិងសហគ្រិនលើកដំបូង។

៥. ស្ត្រីដែលមានក្ដីសុបិនសហគ្រិនគួរតែដឹង មានសហគមន៍ស្ថាបនិកនិងវិនិយោគិនស្រ្តីនៅទីនោះ ដែលបើកទូលាយក្នុងការជួយនិងគាំទ្រគ្នាទៅវិញទៅមក។ ការចាប់ផ្ដើមនិងដំណើរការអាជីវកម្មផ្ទាល់ខ្លួន គឺជាដំណើរដ៏ឯកោមួយដែលពោរពេញទៅដោយភាពលំបាក។ ដោយដឹងថាមានសហគ្រិនជាស្ត្រីដែលធ្លាប់ឆ្លងកាត់រឿងតែមួយ ឬកំពុងដើរលើផ្លូវតែមួយ និងផ្ដល់នូវការលួងលោមចិត្តហើយជួយយើងឲ្យមានអារម្មណ៍ថាភាពឯកោនឹងត្រូវបាត់បង់។

៦. ខ្ញុំកំណត់ភាពជោគជ័យដោយរស់នៅគ្រប់ពេលវេលានិងអស់ពីសមត្ថភាព ដើម្បីរីករាយនិងធ្វើឲ្យមានឥទ្ធិពលវិជ្ជមានដល់យុវជននៅជុំវិញពិភពលោក ហើយជំរុញឲ្យពួកគេជឿជាក់លើក្ដីសុបិនរបស់ពួកគេ ជំរុញឲ្យពួកគេឈានដល់គោលដៅ ហើយបង្ហាញថាការប្ដេជ្ញាចិត្តនិងការតស៊ូនឹងត្រូវបញ្ចប់នៅថ្ងៃណាមួយមិនខាន៕

សម្រួល៖ សាង ស្រីល័ក្ខ

ប្រភព៖ success

ចុចអាន៖ ទាំងវ័យក្មេងនិងស្រស់ស្អាតផង MICA TAN ទទួលពានជាឥស្សរជនគំរូដ៏មានឥទ្ធិពលនៅហ្វីលីពីន

ចុចអាន៖ ជីវិតប្រចាំថ្ងៃរបស់មហាសេដ្ឋី TESLA និង SPACEX ព្រមទាំងទម្លាប់ពេលទំនេរ

Related Topics:ភាពជាសហគ្រិន