សន្តិសុខសង្គម

រកឃើញសពម្ចាស់ទូកដ ២ នាក់ ប្ដីប្រពន្ធ បាត់ខ្លួនក្នុងហេតុការណ៍លិចទូក ម្សិលមិញ

បានផុស

១ year មុន

នៅ

ថ្ងៃសៅរ៍ ២៨ មិថុនា ២០២៥

ដោយ

សពម្ចាស់ទូកដ កោះមាស វ័យជាង ៧០ ឆ្នាំ ពីរនាក់ប្ដីប្រពន្ធ ដែលលិចបាត់ខ្លួនតាមទូកដ កាលពីម្សិលមិញ ត្រូវបានក្រុមទ័ពពិសេស ៩១១ រកឃើញ ចម្ងាយពីកំពង់ចម្លងកោះមាស ៣ គីឡូម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរកឃើញនេះកាលពីវេលាម៉ោង ៩ និង ៣០ នាទីព្រឹក ថ្ងៃទី ២៨ ខែមិថុនា ឆ្នាំ ២០២៥ ដែលមានចម្ងាយពីកំពង់ចម្លងកោះមាស ៣ គីឡូម៉ែត្រ ស្ថិតនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្ដាល។

ជនរងគ្រោះចំនួន ២ នាក់ រួមមាន ១-ឈ្មោះ ភោគ ផុន ភេទប្រុស អាយុ ៧៧ ឆ្នាំ និង ឈ្មោះ ព្រុំ រ៉ុង ភេទស្រី អាយុ ៧២ ឆ្នាំ មានទីលំនៅកោះមាស ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល។ បច្ចុប្បន្ន សពយាយតាទាំង ២ នាក់ ត្រូវបានយកទៅតម្កល់នៅវត្តកោះប្រាក់ ដើម្បីធ្វើបុណ្យតាមប្រពៃណី។

គួរបញ្ជាក់ផងដែរថា កាលពីវេលាម៉ោង ២ រំលងអធ្រាត្រឈានចូលថ្ងៃទី ២៧ ខែមិថុនា ឆ្នាំ ២០២៥ មានករណីលិចទូកដ នៅកំពង់ចម្លងកោះមាស បណ្តាលឲ្យបាត់ខ្លួនយាយតាចំនួន ២ នាក់ ដែលបានគេងសម្រាកនៅលើនោះ៕

អត្ថបទ ៖ រដ្ឋា