កីឡា

ការវិលមកកាន់ពិភពគុនខ្មែរជាថ្មី លោក ជាម អាដាំ ចង់សម្រេចក្ដីបំណងបង្កើតក្លឹបផ្ទាល់ខ្លួន

បានផុស

១១ ខែ មុន

នៅ

ថ្ងៃចន្ទ ២៨ កក្កដា ២០២៥

ដោយ

អតីតអ្នកប្រដាល់ល្បីឈ្មោះមួយរូបនៅកម្ពុជា លោក ជាម អាដាំ ថាការវិលមកកាន់ពិភពគុនខ្មែរវិញនេះគឺចង់សម្រេចក្ដីបំណងបង្កើតក្លឹបប្រដាល់ផ្ទាលខ្លួន ព្រោះចិត្តនៅតែស្រឡាញ់លើកីឡាមួយនេះ និងចង់ចូលរួមពង្រីកផ្សព្វផ្សាយផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជាម អាដាំ ចូលរួមវគ្គបណ្ដុះបណ្ដាល

លោក ជាម អាដាំម បានឲ្យដឹងថា ការវិលត្រឡប់មកកាន់ពិភពគុនខ្មែរជាថ្មីក្រោយឃ្លាតឆ្ងាយអស់ជាច្រើនឆ្នាំហើយក្ដីគឺចិត្តនៅតែស្រឡាញ់ និងដក់ជាប់ជាមួយវិស័យប្រដាល់នេះរហូតមក។ ការស្រឡាញ់ចូលចិត្ត និងតាមដានជានិច្ចបានអន្ទងលោកឲ្យវិលមកកាន់វិស័យគុនខ្មែរជាថ្មីដូចពេលនេះ។

លោក ជាម អាដាំ ពីមុន

អតីតម្ចាស់ខ្សែក្រវាត់ K cement រូបនេះបន្ថែមទៀតថា ការបង្ហាញមុខជាថ្មីនេះលោកចង់សម្រេចក្ដីបំណងបង្កើតជាក្លឹបប្រដាល់ផ្ទាល់ខ្លួនមួយនៅឯខេត្តកំពង់ចាម។ ដូច្នេះហើយទើបលោកចាប់ផ្ដើមមកបង្ហាត់គុនខ្មែរនៅតាមក្លឹបផ្សេងៗ និងចាប់ផ្ដើមចូលរួមវគ្គបណ្ដុះបណ្ដាលដើម្បីក្លាយជាមន្ត្រីសហព័ន្ធអាចបម្រើការងារជាចៅក្រម ឬអាជ្ញាកណ្ដាលរកកម្រៃបានផង និងមានទំនាក់ទំនងជាមួយសហព័ន្ធផង។ នៅពេលដែលសន្សំថវិកាបានមួយចំនួន និងមានលទ្ធភាពហើយនោះលោកនឹងបង្កើតក្លឹបផ្ទាល់ខ្លួនមួយនៅឯខេត្តកំពង់ចាម។

លោក ជាម អាដាំ ពីមុន

បញ្ជាក់ដែរថា លោក ជាម អាដាំ អតីតជើងខ្លាំងមួយរូបក្នុងវិស័យគុនខ្មែរ និងធ្លាប់ឈ្នះខ្សែក្រវាត់ K cement នៅសង្វៀន CTN ផងដែរ។ ដោយសារបញ្ហាជំងឺនៅចុងឆ្នាំ២០១៣ លោកក៏សម្រេចឈប់ពីប្រដាល់គុនខ្មែរ និងបួសជាសង្ឃនៅឆ្នាំ២០១៥ រហូតដល់ ឆ្នាំ២០២៣ ទើបសឹកមកវិញ។ បច្ចុប្បន្នលោកជាគ្រូជំនួយនៅក្លឹបនាគនាំសំណាងនារាយណ៍តេជៈ របស់លោក ឡុង សវណ្ណឌឿន៕